![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1b/Face_fortification.svg/langbe-640px-Face_fortification.svg.png&w=640&q=50)
Бастыён
From Wikipedia, the free encyclopedia
Бастыён (фр.: bastion ад позн.-лац.: bastillio «будую ўмацаванне»): пяцікутовае доўгачасовае (крэпаснае) або палявое абарончае збудаванне, якое прымыкае да кутоў крэпаснай агароджы.
![Thumb image](http://upload.wikimedia.org/wikipedia/commons/thumb/1/1b/Face_fortification.svg/640px-Face_fortification.svg.png)
Упершыню бастыёны з’явіліся, як крэпасныя ўмацаванні, у канцы 15 ст. (у форме рандэляў — «круглых бастыёнаў»). На працягу 16—17 ст. бастыёны атрымалі сваю класічную форму, і ў такім выглядзе выцяснілі вежы, рандэлі і бастэі. У палявой фартыфікацыі бастыёны ўжываліся да 19 ст.
![Thumb image](http://upload.wikimedia.org/wikipedia/commons/thumb/3/3a/%D0%93._%D0%9D%D1%8F%D1%81%D1%8C%D0%B2%D1%96%D0%B6_-_%D0%9F%D0%B0%D0%BB%D0%B0%D1%86%D0%B0%D0%B2%D0%B0-%D0%BF%D0%B0%D1%80%D0%BA%D0%B0%D0%B2%D1%8B_%D0%B0%D0%BD%D1%81%D0%B0%D0%BC%D0%B1%D0%BB%D1%8C_PICT0869.jpg/640px-%D0%93._%D0%9D%D1%8F%D1%81%D1%8C%D0%B2%D1%96%D0%B6_-_%D0%9F%D0%B0%D0%BB%D0%B0%D1%86%D0%B0%D0%B2%D0%B0-%D0%BF%D0%B0%D1%80%D0%BA%D0%B0%D0%B2%D1%8B_%D0%B0%D0%BD%D1%81%D0%B0%D0%BC%D0%B1%D0%BB%D1%8C_PICT0869.jpg)
Бастыёны прызначаліся для абстрэлу мясцовасці і фланкіравання крэпасных сценаў і роваў перад імі. Пярэднія бакі бастыёну называліся фасамі, бакавыя — фланкамі, тыльны ўнутраны бок — горжай. Звернутыя адзін да аднаго бакі суседніх бастыёнаў і адрэзак сцяны, што іх злучаў (куртына), утваралі бастыённы фронт.