Баварская акруга

Баварская акруга (ням.: Bayerischer Reichskreis) — адна з імперскіх акруг Свяшчэннай Рымскай імперыі.

Карта імперскіх акруг у пачатку XVI стагоддзя. Баварская акруга паказана карычневым колерам

Вядучай дзяржавай акругі з'яўлялася Баварыя, курфюрстам якой да канца XVIII стагоддзя ўдалося ўключыць у склад сваіх уладанняў практычна ўсе іншыя свецкія княствы акругі. Сярод царкоўных дзяржаў акругі найбуйнейшым і найбольш уплывовым было архібіскупства Зальцбург, якое, пасля секулярызацыі ў 1803 г. стала курфюрствам. Баварская акруга таксама ўключала вольны горад Рэгенсбург (другі вольны горад акругі Донаўвёрт быў у 1607 г. далучаны да Баварыі).

Склад акругі

У канцы XVIII стагоддзя ў склад акругі ўваходзілі наступныя тэрыторыі:

Тэрыторыя	Від уладання	Прыналежнасць на 1792 г.	Секулярызацыя/медыятызацыя	Прыналежнасць пасля 1815 г.
Царкоўныя тэрыторыі
Зальцбург	Архібіскупства	Незалежнае	Секулярызавана ў 1803 г., у 1803—1805 гг. курфюрства	Аўстрыйская імперыя
Пасау	Біскупства	Незалежнае	Секулярызавана ў 1803 г. Зальцбургам	Баварыя
Рэгенсбург	Біскупства	Незалежнае	Секулярызавана ў 1803 г., з 1805 г. курфюрства	Баварыя
Фрайзінг	Біскупства	Незалежнае	Секулярызавана ў 1803 г. Баварыяй	Баварыя
Берхтэсгадэн	Пробства	Незалежнае	Секулярызавана ў 1803 г. Зальцбургам	Аўстрыйская імперыя
Нідэрмюнстэр-ін-Рэгенсбург	Абацтва	Квазі-дзяржава	Секулярызавана ў 1803 г. Рэгенсбургам	Баварыя
Обермюнстэр-ін-Рэгенсбург	Абацтва	Квазі-дзяржава	Секулярызавана ў 1803 г. Рэгенсбургам	Баварыя
Санкт-Эмерам	Абацтва	Квазі-дзяржава	Секулярызавана ў 1803 г. Рэгенсбургам	Баварыя
Свецкія тэрыторыі
Баварыя	Курфюрства	Незалежнае
Пфальц-Нойбург	Герцагства	Баварыя (з 1777 г.)
Пфальц-Зульцбах	Герцагства	Баварыя (з 1777 г.)
Лёйхтэнберг	Ландграфства	Баварыя (з 1770 г.)
Ортэнбург	Графства	Незалежнае	Перададзена ў 1803 г. Баварыі	Баварыя
Хааг	Графства	Баварыя (з 1567 г.)
Штэрнштэйн	Графства	Незалежнае	Медыятызавана ў 1803 г. Баварыяй	Баварыя
Брэйтэнек	Сеньярыя	Незалежнае	Далучана ў 1792 г. да Баварыі	Баварыя
Гогенвальдэк	Сеньярыя	Баварыя (з 1736 г.)
Оберзульцбург і Пірбаўм	Сеньярыя	Баварыя
Штаўфен-Эрэнфельс	Сеньярыя	Баварыя (з 1777 г.)
Вольныя гарады
Рэгенсбург	Вольны горад	Незалежны	Далучаны ў 1803 г. да княства Рэгенсбург	Баварыя