Артаферн I

У Вікіпедыі ёсць артыкулы пра іншых людзей з імем Артаферн.

Артаферн (па-эламску: Irdapirna, грэч. Ἀρταφρένης; ? — пасля 493 да н.э.) — персідскі сатрап, прадстаўнік дынастыі Ахеменідаў, сын Гістаспа, брат Дарыя І.

Артаферн
сатрап Лідыі 513 г. да н.э. — 493 г. да н.э.
Папярэднік	Атан
Пераемнік	Артаферн II
Нараджэнне	VI стагоддзе да н.э. Сарды, Salihli[d], Правінцыя Маніса, Турцыя
Смерць	493 да н.э.(-493) Сарды, Лідыя[d], Дзяржава Ахеменідаў, Medo-persia[d], Старажытны Блізкі Усход
Род	Ахеменіды
Бацька	Гістасп
Дзеці	Артаферн II
Прыналежнасць	Дзяржава Ахеменідаў
Званне	генерал

Каля 513 да н.э. прызначаны сатрапам Лідыі замест Атана. У 507 да н.э. прымаў афінскіх паслоў, якія прапанавалі яму «зямлю і ваду» — старажытны знак падпарадкавання. У 499 да н.э. грэчаскі тыран Мілета Арыстагор папрасіў у Артаферна дапамогі ў захопе Наксаса. У адказ Артаферн вылучыў войска на чале з Мегабатам. Аднак не зусім удалы паход паказаў іанійскім грэкам, што персы не непераможныя.

У выніку іанійскія грэчаскія гарады з дапамогай Афінаў паўсталі супраць персаў. Разам яны здолелі нават захапіць сталіцу Лідыі Сарды. Аднак Артаферн, абараніўшы замак, дагнаў адступіўшых грэкаў і разбіў іх. Адбудаваўшы Сарды, ён далучыўся да іншых военачальнікаў, якія ваявалі з паўстанцамі, што пацвярджаецца як Герадотам, так і персепальскімі таблічкамі.

У 493 да н.э., калі паўстанне ўжо было задушана, Артаферн рэарганізаваў кіраванне сваёй сатрапіяй. Грэчаскі астраном Гекатэй Мілецкі папрасіў яго быць міласцівым да пераможаных, і, на дзіва, Артаферн стрымаў дадзенае слова. Гэта апошні вядомы ўчынак Артаферна напасадзе сатрапа Лідыі. Яго пераемнікам на гэтай пасадзе быў яго сын, таксама Артаферн.

Зноскі

Спасылкі

• Artafernes