![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/89/Oceanus_IstArchMu764c.jpg/640px-Oceanus_IstArchMu764c.jpg&w=640&q=50)
Акіян (тытан)
From Wikipedia, the free encyclopedia
Акіян (грэч. Ὠκεανός) — у старажытнагрэчаскай міфалогіі бажаство найвялікшай сусветнай ракі, якая амывае зямлю і мора, дае пачатак рэкам, крыніцам, марскім плыням, дае прытулак сонцу, месяцу і зоркам. З яго вод быў народжаны конь Пегас.
![Thumb image](http://upload.wikimedia.org/wikipedia/commons/thumb/8/89/Oceanus_IstArchMu764c.jpg/640px-Oceanus_IstArchMu764c.jpg)
Акіян — тытан, сын Урана і Геі, брат і муж Тэфіды, з якой ён спарадзіў тры тысячы дочак — акіанід і гэтулькі жа сыноў — рачных струменяў. Акіян не ўдзельнічаў у бітве тытанаў супраць Зеўса і таму захаваў сваю ўладу.
Па Апаладору ён — бацька жонкі Зеўса, Метыды. Вядомы сваёй міралюбнасцю і дабрынёй (беспаспяхова спрабаваў пагадніць Праметэя з Зеўсам (Эсхіл, Прыкаваны Праметэй). Багі пачытаюць Акіяна як састарэлага бацьку, клапоцяцца аб ім, хоць ён жыве ў адзіноце.
На крайнім захадзе Акіян абмывае мяжу паміж мірам жыцця і смерці.