Аўтамат Калашнікава
From Wikipedia, the free encyclopedia
Аўтамат Калашнікава (АК) (руск.: Автомат Калашникова) — сямейства аўтаматаў, якія базуюцца на распрацаванай у 1946 годзе арыгінальнай мадэлі савецкага канструктара Міхаіла Калашнікава. Першапачатковая вытворчасць вялася на заводзе «Іжмаш» (Іжэўск, Расія), які пазней быў пераўтвораны ў групу кампаній «Калашнікаў»[1].
АК і яго мадыфікацыі — самая распаўсюджаная стралковая зброя ў свеце, за што ён уключаны ў Кнігу рэкордаў Гінэса. Станам на 2009 год, налічваецца больш за 100 млн адзінак гэтага аўтамата, а таксама ён знаходзіцца на ўзбраенні 106 краін свету[2].