Стары Кіеў (укр.: Старий Київ)  — гістарычная мясцовасць у цэнтры Кіева, адміністрацыйна-тэрытарыяльна адносіцца да сённяшняга Шаўчэнкаўскага раёна, найстаражытная частка Кіева. Арыенціровачныя мяжы — Андрэеўская царква, Уладзімірская горка, Майдан Незалежнасці, Залатыя вароты, Львоўская плошча. Галоўныя плошчы і вуліцы — Сафійская і Міхайлоўская плошчы, вуліцы Уладзімірская, Вялікая Жытомірская, Яраславаў Вал. Ўключае ў сябе летапісныя горад Яраслава, горад Уладзіміра. Найцэнтральнішая зона цягнецца ад Залатых Варот па вул. Алеся Ганчара да плошчы Перамогі.