Салала — другі па насельніцтве горад Амана, адміністрацыйны цэнтр паўднёвай правінцыі Дафар. Насельніцтва Салалы — 207,7 тыс. чалавек (2013). Горад з’яўляецца адным з цэнтраў, дзе сканцэнтраваны немусульманскія меншасці. Горад размешчаны на ўзбярэжжы Аравійскага мора. Ён ляжыць на плоскай прыбярэжнай раўніне памерам 55 на 15 км, абмежаванай з трох бакоў гарамі Джабаль-Эль-Кара.