Дэмакраты́чная Рэспу́бліка Ко́нга — дзяржава ў Цэнтральнай Афрыцы, на поўнач і поўдзень ад экватара. Мяжуе на поўначы з Цэнтральна-Афрыканскай Рэспублікай, Паўднёвым Суданам, на ўсходзе Угандай, Руандай, Бурундзі, Танзаніяй, на поўдні з Замбіяй, Анголай, Рэспублікай Конга. Па плошчы з'яўляецца трэцяй дзяржавай Афрыкі. Тэрыторыя Дэмакратычнай Рэспублікі Конга моцна аддаленая ад узбярэжжа Атлантычнага акіяна і выходзіць да яго толькі вузкім калідорам ўздоўж ракі Конга з партамі Бома і Матады пры яе вусці.