Страфарыя

Страфа́рыя, Перавяслаўка^[1] (Stropharia) — род шапкавых базідыяльных грыбоў сямейства страфарыевых.

Страфарыя
Страфарыя Гарнемана (Stropharia hornemannii)
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Падклас:  Agaricomycetidae Парадак:  Агарыкальныя Сямейства:  Страфарыевыя Род:  Страфарыя
Міжнародная навуковая назва
Stropharia (Fr.) Quél. 1872
Тыпавы від
Stropharia aeruginosa (Quél. 1872)
Сістэматыка на Віківідах Выявы на Вікісховішчы NCBI   68745 EOL   19594 MB   18613

Апісанне

Шапка дыяметрам да 12 см, шыроказваночкавая, выпуклая, у старых грыбоў плоскараспасцёртая, слізістая, рознай афарбоўкі. Мякаць тонкая, блакітная ці белая. Гіменафор пласціністы, пласцінкі прырослыя, аднаго колеру з шапкай або белыя. Ножка цыліндрычная, з кольцам, ніжэй яго лускаватая.

Распаўсюджанне

На Беларусі трапляюцца страфарыя сіне-зялёная (Stropharia aeruginosa) і страфарыя Гарнемана (Stropharia hornemannii), растуць у лясах у ліпені—верасні.

Спажыванне

Страфарыя сіне-зялёная (Stropharia aeruginosa) — ядомы грыб. Страфарыя Гарнемана (Stropharia hornemannii) — ядавітая.

Зноскі

1. Грыбы і грыбная кулінарыя : папулярны энцыклапедычны даведнік / Галіна Сяржаніна, Іван Яшкін. — Мінск : Беларуская асацыяцыя кулінараў, 2005. — 387с., [24] л. каляр. іл. ; 24 см. — На вокладцы аўтары не паказаны. — Бібліяграфія: с. 343—350. — Алфавітныя паказчыкі: с. 351—385. — 1000 экз. — ISBN 985-6081-34-3.

Літаратура

• Страфарыя // Беларуская ССР: Кароткая энцыклапедыя. Т. 2. — Мн.: БелСЭ. 1979.