From Wikipedia, the free encyclopedia
SAAB 90 — двухдзверны седан сярэдняга класа шведскага вытворцы SAAB. Выпускаўся з 1984 па 1987 год на заводзе фінскай кампаніі Valmet Automotive ў горадзе Ўусікаўпункі. Прадаваўся толькі на ўнутраным рынку Швецыі. Выраблена 25 378 аўтамабіляў.
Папярэднік SAAB 99 |
SAAB 90 — далейшае развіццё SAAB 99, па сутнасці — ранейшая мадэль з новай задняй часткай кузава, аналагічнай двухдзвернаму SAAB 900.
У 1986 годзе быў праведзены лёгкі рэстайлінг. Мадэрнізацыі была падвергнутая падвеска і абноўлены экстэр’ер.
Выпуск завершаны ў верасні 1987 года, бо карбюратарны рухавік, які мог працаваць на этыляваным бензіне, не мог быць абсталяваны каталізатарам для выканання новых нормаў выкіду CO.
.jpg)
.jpg)
Мадэль Saab 90 мела двухдверны пяцімесцавы кузаў седан. Фірмай SAAB прадастаўлялася гарантыя ад скразной карозіі кузава на працягу 3 гадоў.
Фары абсталёўваліся абмывальнікам. Руль рэгуляваўся па вышыні, але не меў узмацняльніка. Крэсла кіроўцы абсталёўвалася рэгуляваннямі ў дзвюх плоскасцях і падагрэвам.
Карбюратарны радны 4-цыліндравы 8-клапанны рухавік з сістэмай газаразмеркавання DOHC аб’ёмам 1985 см³ размяшчаўся падоўжна спераду. Ён развіваў магутнасць 100 к.с. пры 5200 аб/хв і меў максімальны круцільны момант 161 Нм пры 3500 аб/хв. З гэтым маторам аўтамабіль разганяўся да 100 км/г за 14 сек і набіраў максімальную хуткасць 165 км/г.
Рухавікі агрэгатаваліся з 4- і 5-ступеньчатымі механічнымі каробкамі перадач.
На мадэль усталёўваліся дыскавыя тармазы з узмацняльнікамі, прычым як на пярэднія колы, так і на заднія. У падвесцы выкарыстоўваліся амартызацыйныя стойкі.
| Тэхнічныя характарыстыкі Saab 90 | |
|---|---|
| Габарыты, мм даўжыня / шырыня / вышыня |
4477 / 1690 / 1425 |
| Колавая база, мм | 2465 |
| Рухавік | Бензінавы, радны, 4-цыліндравы, усталяваны спераду, падоўжна |
| Аб’ём, см³ | 1985 |
| Магутнасць пры аб/хв |
73 кВт (100 к.с.) пры 5200 аб / хв |
| Макс. круцільны момант пры аб/хв |
162 Н·м пры 3500 аб / хв |
| Каробка перадач | пяціступеньчатая, механічная |
| Шыны | 175/70 R 15 |
| Маса без нагрузкі, кг | 1145 |
| Макс. хуткасць, км/г | 165 |
| Паскарэнне ад 0 да 100 км/г, с | 14,0 |
| Выдатак паліва, л/100 км | 11,4 |
На Вікісховішчы ёсць медыяфайлы па тэме SAAB 90Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
.jpg)
