Lětopis, поўная назва — Lětopis — Časopis za rěč, stawizny a kulturu Łužiskich Serbow (Летапіс — часопіс мовы, гісторыі і культуры лужыцкіх сербаў) — навуковы лужыцкі часопіс, які выдаецца ў Германіі. Навуковае выданне і друкаваны орган Сербскага інстытута. Друкуецца выдавецтвам «Домавіна».
| Lětopis | |
|---|---|
| Арыгінальная назва |
Lětopis |
| Тып | часопіс |
| Выдавец | Сербалужыцкі інстытут |
| Краіна | |
| Заснавана | 1952 год |
| Тэматыка | навуковы |
| Мова | нямецкая, верхнялужыцкая, ніжнялужыцкая |
| ISSN | 0522-5086 |
| Вэб-сайт | lětopis.de (ням.) (англ.) |
Гістарычным папярэднікам выдання лічыцца грамадска-культурны і літаратурны часопіс «Časopis Maćicy Serbskeje», які выдавала з 1848 па 1937 гады лужыцкае таварыства Маціца сербская. Першы нумар сучаснага часопіса бы выдадзены ў 1952 годзе.
Артыкулы ў часопісе большай часткай друкуюцца на верхнялужыцкай, ніжнялужыцкай, нямецкай мовах. Зрэдку друкуюцца артыкулы на рускай, польскай і чэшскай мовах.
У часы ГДР часопіс штогод выдаваў 4 асобных тамы з пэўным зместам, якія класіфікаваліся літарамі A, B, C і D. Том A утрымліваў артыкулы на тэму лужыцкага мовазнаўства. У томе B друкаваліся артыкулы па гісторыі лужычанаў, іх палітычнаму і грамадскаму жыццю і іх адносінам з нямецкім насельніцтвам. Том С прысвячаўся лужыцкаму народазнаўству, і ў томе D друкаваліся артыкулы прысвечаныя лужыцкай культуры, этнаграфіі і фальклору.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
