CoBrA — еўрапейскі авангардысцкі рух, актыўны ў 1949—1952 гг. Назва была прыдумана ў 1948 годзе Крысціянам Датрэмонам па першых літарах сталіц родных краін удзельнікаў руху: Капенгаген (Co), Брусель (Br), Амстэрдам (A).
«CoBrA» была ўтворана зліццём галандскай групы «Рэфлекс» (Reflex), дацкай групы «Хёст» (Høst) і Бельгійскай рэвалюцыйнай сюррэалістычнай групы. «CoBrA» правяла дзве вялікія выставы: у музеі Stedelijk у Амстэрдаме (1949) і ў Палацы прыгожых мастацтваў (Palais des Beaux-Arts) у Льежы (1951). Мастакам з групы «CoBrA» ўласцівыя паўабстрактныя палотны з яркімі колерамі, скажоныя чалавечыя фігуры, натхнёныя першабытным і народным мастацтвам. Мастакі таксама бралі за аснову дзіцячы малюнак, скандынаўскую міфалогію. Яны спрабавалі выпрацаваць абстрактную мову формаў, якая магла б у большай ступені, чым сюррэалізм, выказваць несвядомае. «CoBrA» адыграла значную ролю ў развіцці ташызму і еўрапейскага абстрактнага экспрэсіянізму. Група таксама аказала ўплыў на еўрапейскае сацыяльнае і палітычнае жыццё, развіваючы крытыку сучаснага ёй грамадства халоднай вайны. Міжнародны рух за імажынісцкі баўхаўс, які адкалоўся ад CoBrA, стаў прыступкай да развіцця сітуацыянісцкага руху.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.