Яўген Аляксандравіч Шыдлоўскі

У Вікіпедыі ёсць артыкулы пра іншых асоб з прозвішчам Шыдлоўскі.

Яўген Шыдлоўскі (нар. 13 студзеня 1991, Гродна) — беларускі футбаліст, абаронца.

Яўген Шыдлоўскі
Поўнае імя	Яўген Аляксандравіч Шыдлоўскі
Нарадзіўся	13 студзеня 1991(1991-01-13)[1] (33 гады) Гродна, Гродзенская вобласць, БССР, СССР
Грамадзянства	Беларусь
Рост	184 см
Вага	78 кг
Пазіцыя	абаронца
Клубная кар’ера[* 1]
2008—2014 Тарпеда-БелАЗ (Жодзіна) 4 (0) 2012 →  Ліда 18 (1) 2013 →  Віцебск 21 (1) 2014 →  Граніт (Мікашэвічы) 26 (1) 2015—2017 Гарадзея 38 (3) 2018 Ліда 19 (2) 2019 Смалявічы 18 (0)
Нацыянальная зборная[* 2]
2007 Беларусь (да 17) 3 (0) 2009 Беларусь (да 19) 2 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. Колькасць гульняў і галоў за нацыянальную зборную ў афіцыйных матчах

Клубная кар’ера

Выхаванец гродзенскага «Белкарда», дарослую кар’еру пачаў у дублі жодзінскага «Тарпеда», дзе выступаў у якасці нападніка. У 2011 годзе правёў чатыры матчы за асноўную каманду. Пазней на працягу трох гадоў выступаў у арэндзе ў Першай лізе, абараняючы колеры «Ліды», «Віцебска» і «Граніта». З апошнім клубам стаў пераможцам Першай лігі. Падчас выступаў у Першай лізе паступова апусціўся на пазіцыю абаронцы.

Па заканчэнні сезона 2014 вярнуўся ў Жодзіна, аднак у выніку прагляду не падышоў і ў лютым пакінуў «Тарпеда-БелАЗ»^[2]. Неўзабаве стаў іграком «Гарадзеі»^[3], якой па выніках сезона 2015 дапамог выйсці ў Вышэйшую лігу. У студзені 2016 года падоўжыў кантракт з «цукровымі»^[4]. У сезоне 2016 страціў месца ў аснове «Гарадзеі», правёўшы толькі 5 матчаў у Вышэйшай лізе. У пачатку сезона 2017 і ў ліпені 2017 года гуляў у стартавым складзе, астатні ў асноўным заставаўся на лаўцы запасных, за сезон згуляў у 7 матчах у Вышэйшай лізе і ў двух матчах Кубках Беларусі. У снежні 2017 года па заканчэнні кантракта пакінуў «Гарадзею»^[5].

У лютым 2018 года адправіўся на прагляд у «Ліду» і ў выніку падпісаў кантракт^[6]. Пачынаў сезон у аснове, аднак у красавіку атрымаў траўму, вярнуўся на поле ў чэрвені.

У студзені 2019 года стаў іграком жыткавіцкага ЮАС^[7], аднак у красавіку таго ж года перабраўся ў «Смалявічы»^[8]. У смалявіцкай камандзе чаргаваў выхады ў стартавым складзе і на замену, з верасня стаў часцей заставацца на лаўцы запасных.

У студзені 2020 года пакінуў «Смалявічы»^[9] і неўзабаве быў дыскваліфікаваны на 1 год па справе аб дагаварных матчах^[10].

Міжнародная кар’ера

У 2009 годзе гуляў за юніёрскую зборную Беларусі (да 19) у кваліфікацыйным раўндзе чэмпіянату Еўропы.

Дасягненні

• Пераможца Першай лігі чэмпіянату Беларусі: 2014

Статыстыка выступленняў

Сезон	Дывізіён	Клуб	Краіна	Матчы	Галы
2008	дубль	Тарпеда		25	2
2009	дубль	Тарпеда		17	5
2011	Д1	Тарпеда-БелАЗ		4	0
2012	Д2	Ліда		18	1
2013	Д2	Віцебск		21	1
2014	Д2	Граніт		26	1
2015	Д2	Гарадзея		26	3
2016	Д1	Гарадзея		5	0
2017	Д1	Гарадзея		7	0
2018	Д2	Ліда		19	2
2019	Д2	Смалявічы		18	0

Крыніцы

1. Evgeni Shidlovskiy // Transfermarkt — 2000. Праверана 9 кастрычніка 2017.

   <a href='https://wikidata.org/wiki/Track:Q2449070'></a>
2. Патоцкий, Якимов и Шидловский не подошли «Торпедо-БелАЗ» (руск.). by.tribuna.com.
3. Павлючек, Шидловский и Толканица подписали контракты с «Городеей» (руск.). by.tribuna.com.
4. Тупчий перешел в «Городею», Шидловский продлил контракт (руск.). by.tribuna.com.
5. Ярославский, Йоксимович, Шидловский и Якубович покидают «Городею» (руск.). by.tribuna.com.
6. Гнедько и Шидловский подписали соглашения с "Лидой" (руск.). football.by (20 лютага 2018). Праверана 17 красавіка 2024.
7. Десять игроков покинули ЮАС, пятеро - пришли. Из них четверо - из "Лиды" (руск.). football.by (16 студзеня 2019). Праверана 17 красавіка 2024.
8. Шидловский — игрок «Смолевичей»! (руск.)(недаступная спасылка). Афіцыйны сайт «Смалявічаў» (10 красавіка 2019). Архівавана з першакрыніцы 16 красавіка 2019.
9. "Смолевичи" расстались с четырьмя футболистами (руск.)(недаступная спасылка). football.by (10 студзеня 2020). Архівавана з першакрыніцы 29 верасня 2021.
10. Футбол. "Дело о договорняках". Алексей Сучков и Валерий Белявский пожизненно отлучены от белорусского футбола (руск.)(недаступная спасылка). pressball.by (16 студзеня 2020). Архівавана з першакрыніцы 29 лістапада 2021.