Яўген Уладзіміравіч Іваненка

Яўген Іваненка (нар. 22 снежня 1995, Мазыр) — беларускі футбаліст, брамнік.

Яўген Іваненка
Поўнае імя	Яўген Уладзіміравіч Іваненка
Нарадзіўся	22 снежня 1995(1995-12-22)[1][2] (28 гадоў) Мазыр, Гомельская вобласць, Беларусь[3]
Грамадзянства	Беларусь
Рост	184 см
Вага	85 кг[3]
Пазіцыя	брамнік
Інфармацыя пра клуб
Клуб	няма
Клубная кар’ера[* 1]
2014—2024 Славія (Мазыр) 14 (-22) 2015 →  Хімік (Светлагорск) 19 (-29) 2018 →  Граніт (Мікашэвічы) 1 (-4) 2020—2021 →  Гомель 21 (-16)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 26 жніўня 2024.

Клубная кар’ера

Выхаванец мазырскага футбола, у красавіку 2014 года падпісаў першы кантракт з мясцовай «Славіяй». Быў другім брамнікам у камандзе пасля Уладзіміра Гаева, у сезоне 2014 прыняў удзел у трох матчах. У пачатку 2015 года, пасля выхаду «Славіі» ў Вышэйшую лігу, быў аддадзены ў арэнду светлагорскаму «Хіміку», дзе быў адным з асноўных брамнікаў. У 2016 годзе вярнуўся ў «Славію», быў рэзервовым брамнікам, гуляў таксама за дубль.

У першай палове 2018 года быў другім брамнікам мазыран у Першай лізе, а ў жніўні быў арандаваны мікашэвіцкім «Гранітам», дзе таксама быў другім брамнікам. У пачатку 2019 года зноў апынуўся ў дублі «Славіі». Дэбютаваў у Вышэйшай лізе 9 лістапада 2019 года ў матчы супраць салігорскага «Шахцёра» (1:5), калі ў першым тайме замяніў траўмаванага Радзівона Сямука.

У першай палове 2020 года зноў гуляў за дубль, а ў ліпені быў аддадзены ў арэнду «Гомелю»^[4]. У снежні 2020 года вярнуўся ў «Славію»^[5]. У пачатку 2021 года трэніраваўся разам з мазыранамі, а ў лютым зноў быў арандаваны «Гомелем»^[6]. Пачынаў сезон другім брамнікам пасля Алега Кавалёва, а з лета замацаваўся ў стартавым складзе. У лістападзе 2021 года па заканчэнні арэнды пакінуў гомельскі клуб^[7].

З 2022 года быў рэзервовым брамнікам «Славіі». У лютым 2024 года падоўжыў кантракт з мазырскім клубам^[8]. У жніўні 2024 года пакінуў «Славію»^[9].

Статыстыка выступленняў

Сезон	Дывізіён	Клуб	Матчы	Галы
2014	Д2	Славія	3	−5
2015	Д2	Хімік	19	−29
2016	дубль	Славія	18	−32
2017	дубль	Славія	14	−14
2018 (1)	Д2	Славія	2	−0
2018 (2)	Д2	Граніт	1	−4
2019	Д1	Славія	1	−5
2020 (1)	дубль	Славія	12	−17
2020 (2)	Д2	Гомель	6	−4
2021	Д1	Гомель	15	−12
2022	Д1	Славія	3	−6
2023	Д1	Славія	1	−2
2024 (1)	Д1	Славія	4	−4

Крыніцы

1. https://www.pressball.by/footballstat/evgeni_ivanenko/
2. Evgeni Ivanenko // Transfermarkt — 2000.

   <a href='https://wikidata.org/wiki/Track:Q2449070'></a>
3. https://fcslavia.by/ru/player/ivanenko-0
4. "Гомель" арендовал у "Славии" Иваненко (руск.). football.by (16 ліпеня 2020). Праверана 6 лютага 2024.
5. Возвращение Янсане: Беларусь или Казахстан? (руск.)(недаступная спасылка). pressball.by (14 снежня 2020). Архівавана з першакрыніцы 6 мая 2021.
6. "Славия" подписала контракт с Альшаником и отдала Иваненко в аренду "Гомелю" (руск.). football.by (2 лютага 2021). Праверана 6 лютага 2024.
7. Арендованные игроки «Гомеля» вернулись в расположение своих клубов (руск.). Афіцыйны сайт «Гомеля» (30 лістапада 2021). Праверана 6 лютага 2024.
8. Евгений Иваненко подписал контракт со "Славией" (руск.). football.by (5 лютага 2024). Праверана 6 лютага 2024.
9. Евгений Иваненко покинул "Славию" (руск.). football.by (23 жніўня 2024). Праверана 26 жніўня 2024.