Цэнтр даследаванняў беларускай культуры, мовы і літаратуры НАН Беларусі

Цэнтр даследаванняў беларускай культуры, мовы і літаратуры — навуковы цэнтр у Нацыянальнай акадэміі навук Беларусі, у складзе Аддзялення гуманітарных навук і мастацтваў. Асноўнай мэтай Цэнтра з’яўляецца правядзенне навуковых даследаванняў у галінах мастацтвазнаўства, этнаграфіі, этналогіі, фалькларыстыкі, мовы і літаратуры. Цэнтр з’яўляецца дзяржаўнай юрыдычнай асобай.

Цэнтр даследаванняў беларускай культуры, мовы і літаратуры Нацыянальнай акадэміі навук Беларусі
Размяшчэнне	Мінск, вуліца Сурганава, 1, корпус 2.
Тып арганізацыі	навуковая арганізацыя[d]
Афіцыйныя мовы	Руская, Беларуская
Кіраўнікі
Дырэктар	Аляксандр Іванавіч Лакотка
Першы намеснік дырэктара па навуковай рабоце	Аляксандр Віктаравіч Бараноўскі
Намеснік дырэктара па навуковай і інавацыйнай рабоце	Сяргей Пятровіч Віцязь
Заснаванне
Дата заснавання	2012
belcentre.by

Партрэт Андрэя Укольскага Невядомы мастак, Канец XVIII ст. З калекцыі аддзела старажытнабеларускай культуры Цэнтра даследаванняў беларускай культуры, мовы і літаратуры НАН Беларусі

Гісторыя

Створаны ў 2012 годзе ў выніку аб’яднання Інстытута мастацтвазнаўства, этнаграфіі і фальклору імя Кандрата Крапівы і Інстытута мовы і літаратуры імя Якуба Коласа і Янкі Купалы. У 2015 была адноўлена дзейнасць Інстытута літаратуразнаўства імя Янкі Купалы і Інстытута мовазнаўства імя Якуба Коласа, якія разам з Інстытутам мастацтвазнаўства, этнаграфіі і фальклору імя Кандрата Крапівы ўвайшлі ў склад Цэнтра ў якасці філіялаў.

На 1 мая 2015 колькасць супрацоўнікаў Цэнтра складала 203 чал., у тым ліку 2 акадэміка, 5 членаў-карэспандэнтаў, 27 дактароў навук, 89 кандыдатаў навук^[1].

Адміністрацыя

Дырэктар цэнтра — акадэмік НАН Беларусі Аляксандр Іванавіч Лакотка; першы намеснік дырэктара па навуковай рабоце — кандыдат гістарычных навук Аляксандр Віктаравіч Бараноўскі; намеснік дырэктара па навуковай і інавацыйнай рабоце — доктар гістарычных навук Сяргей Пятровіч Віцязь.

Кірункі дзейнасці

• Вывучэнне этнакультурных працэсаў на тэрыторыі Беларусі; міжэтнічных сувязей беларусаў, рускіх, украінцаў і іншых народаў у сферы матэрыяльнай і духоўнай культуры.
• Распрацоўка праблем гісторыі і тэорыі беларускага мастацтва, антрапалогіі культуры.
• Вывучэнне сістэмы беларускай мовы на розных этапах яе развіцця.
• Правядзенне сацыялінгвістычных, супастаўляльных і параўнальна-тыпалагічных даследаванняў.
• Падрыхтоўка слоўнікаў беларускай мовы, у тым ліку перакладных беларуска-іншаславянскіх і іншаславянска-беларускіх.
• Выяўленне і аналіз асноўных тэндэнцый і заканамернасцей гістарычнага і сучаснага літаратурнага працэсу.
• Вывучэнне праблем гісторыі літаратуры і літаратурных сувязей у славянскім свеце і за яго межамі.
• Даследаванне літаратурнай спадчыны Беларусі, у тым ліку падрыхтоўка акадэмічных выданняў збораў твораў класікаў беларускай літаратуры, літаратурных помнікаў^[1].

Спасылкі

• Сайт Цэнтра даследаванняў беларускай культуры, мовы і літаратуры
• Сайт Інстытута мастацтвазнаўства, этнаграфіі і фальклору імя Кандрата Крапівы
• Сайт Інстытута мовазнаўства імя Якуба Коласа
• Сайт Інстытута літаратуразнаўства імя Янкі Купалы

Зноскі

1. Запрашаем! (нявызн.). Цэнтр даследаванняў беларускай культуры, мовы і літаратуры НАН Беларусі. Праверана 7 снежня 2023.