Хуткая медыцынская дапамога

У паняцця ёсць і іншыя значэнні, гл. Хуткая дапамога (значэнні).

Хуткая медыцынская дапамога — від медыцынскай дапамогі, якая аказваецца грамадзянам пры захворваннях, няшчасных выпадках, траўмах, атручваннях і калі яны знаходзяцца ў іншых станах, якія патрабуюць тэрміновага медыцынскага ўмяшання.

Брыгады хуткай дапамогі ў Мінску на месцы здарэння пасля выбуху ў мінскім метрапалітэне

Хуткая дапамога падвышанай праходнасці УАЗ-128811-100

Кантакты

У розных краінах нумар тэлефона, па якім можна было б выклікаць хуткую дапамогу, розны.

• Расія — 03 (са стацыянарнага тэлефона і таксафона), 103 ^[1] (са стацыянарных і сотавых тэлефонаў) і / або 112 (МНС).
• Беларусь, Украіна, Казахстан — 103
• Латвія — 03, 113, 112
• Малдова — 903, 112
• З мабільнага тэлефона ў Расіі і на постсавецкай прасторы, а таксама ва ўсіх краінах Еўропы з усіх відаў тэлефонаў — 112 (адзіны тэлефон службы выратавання)
• ЗША — 911

Званок бясплатны. Магчымасць дазвону да службы «хуткай дапамогі», згодна з дзеючым у большасці краін свету заканадаўствам аб сувязі, павінна быць забяспечана аператарам сувязі абаненту па-за ўсякай залежнасці ад стану асабовага рахунку абаненцкага нумара. Званок з мабільнага тэлефона на нумары адзінай службы выратавання можна ажыццявіць і без sim-карты.

Усе званкі ў буйных гарадах паступаюць у адзіную дыспетчарскую цэнтральную гарадскую станцыі хуткай дапамогі, адтуль яны размяркоўваюцца па раённых падстанцыях.

Зноскі

1. Загад Міністэрства сувязі і масавых камунікацый РФ ад 20 лістапада 2013 г. № 360 (руск.)