Фёдар Фёдаравіч Турук

Фёдар Фёдаравіч Турук (8 лютага 1889, в. Балотца Навагрудскага павета Мінскай губерні — 20 ліпеня 1960, Масква) — беларускі гісторык і грамадскі дзеяч.

Фёдар Фёдаравіч Турук
Род дзейнасці	палітык, гісторык
Дата нараджэння	20 лютага 1889(1889-02-20) ці 8 лютага 1889(1889-02-08)
Месца нараджэння	Балотца, Навагрудскі павет, Мінская губерня, Расійская імперыя
Дата смерці	20 ліпеня 1960(1960-07-20) (71 год)
Месца смерці	Масква, РСФСР, СССР
Месца пахавання	Ваганькаўскія могілкі
Грамадзянства	Расійская імперыя  СССР
Месца працы	БДУ
Альма-матар	Пецярбургскі гісторыка-філалагічны інстытут Пецярбургскі археалагічны інстытут[d]
Партыя	Беларуская сацыялістычная грамада
Член у	Беларускі нацыянальны камісарыят Беларускае пралетарскае студэнцкае зямляцтва

У Вікіпедыі ёсць артыкулы пра іншых людзей з прозвішчам Турук.

Біяграфія

Скончыў Петраградскі гісторыка-філалагічны інстытут і Петраградскі археалагічны інстытут (1915), працаваў выкладчыкам гімназій у Мінску і Маскве. З сакавіка 1918 загадчык аддзела Беларускага нацыянальнага камісарыята, адзін з арганізатараў Беларускага народнага ўніверсітэта і Беларускага навуковага таварыства ў Маскве (1918). З 1919 загадчык беларускага пададдзела аддзела асветы нацыянальных меншасцяў Наркамата асветы РСФСР. Садзейнічаў выхаду ў свет першага зборніка Янкі Купалы на рускай мове «Выбраныя вершы ў перакладах рускіх паэтаў» (1919). Удзельнічаў у арганізацыі БДУ, з 1921 — прафесар БДУ. З 1923 выкладчык Камуністычнага ўніверсітэта нацыянальных меншасцяў Захаду ў Маскве. У 1923—1955 — прафесар розных ВНУ Масквы.

Аўтар прац па гісторыі Беларусі. У кнізе «Беларускі рух» (1921) гісторыю Беларусі разглядаў з аб’ектывісцкіх пазіцый. Аўтар прадмовы і складальнік «Курса беларусазнаўства» (1918—1920).

Зноскі