Форт-Нокс
From Wikipedia, the free encyclopedia
From Wikipedia, the free encyclopedia
Форт-Нокс (англ.: Fort Knox) — ваенная база ЗША, знаходзіцца амаль у цэнтры ваеннага гарадка Форт-Нокс у 30 мілях на паўднёвы захад ад Луісвіла, штат Кентукі і займае плошчу ў 44 000 га (440 км²). У наш час належыць амерыканскай арміі і да 2010 года выкарыстоўвалася ў якасці школы танкістаў. У перыяд з 2005 па 2010 год Танкавая школа Арміі ЗША была пераведзена з Форт-Нокса на базу Форт-Бенінг.
Таксама на тэрыторыі ваеннай базы Форт-Нокс з 1936 года існуе сховішча залатых запасаў ЗША, дзе знаходзіцца 4176 тон (4603 амерыканскіх тон) золата ў злітках (147,4 млн тройскіх унцый). Яно займае другое месца ў Злучаных Штатах, саступаючы толькі Федэральнаму рэзервоваму банку Нью-Ёрка, які захоўвае каля 5000 тон золата шматлікіх замежных дзяржаў, цэнтральных банкаў і афіцыйных міжнародных арганізацый.
Залатое сховішча па праве лічыцца адным з самых абароненых у свеце. Яго сцены складзены з граніту, пакрытага слоем бетону, а ўваход ахоўваюць дзверы масай у 20 тон, для таго каб іх адкрыць неабходна ведаць код, які падзелены на часткі паміж некалькімі людзьмі, цалкам яго ніхто не ведае. На выпадак нападу прадугледжана аўтаномная сістэма жыццезабеспячэння, якая ўключае ў сябе запасы харча, вады і электрастанцыю. Таму ў ім захоўваліся шматлікія каштоўныя рэчы, так падчас Другой сусветнай вайны туды былі змешчаны каралеўскія рэгаліі Вялікабрытаніі і Вялікая хартыя вольнасцей[1].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.