Фліунт
From Wikipedia, the free encyclopedia
From Wikipedia, the free encyclopedia
Фліунт (стар.-грэч.: Φλειοῦς) — старажытнагрэчаскі горад-дзяржава на паўночным захадзе Аргаліды (Пелапанес), які межаваў з Аркадзіяй і Сікіёнам . Паводле легенд спачатку называўся Арэтырэя і быў перайменаваны ў гонар арганаўтаў Фліянта, які нарадзіўся ў гэтым горадзе[1]. Выхадцамі з Фліунта лічылі заснавальнікаў Клазаменаў і грэчаскіх першапасяленцаў Самаса.
З ахейскіх часоў у горадзе ўшаноўвалі Гебу, Дэметру і Артэміду. Гэтыя культы захаваліся і пасля таго, як горад захапілі дарыйцы.
Фліунт быў уключаны ў склад аргаскіх уладанняў Фідонам. Пасля перамогі спартанцаў пад Сепеяй увайшоў у Пелапанескі саюз. Нягледзячы на трывалы саюз са Спартай, у Фліунце ішла жорсткая барацьба паміж прыхільнікамі алігархіі і дэмакратыі, кропку ў якой паставіў спартанскі цар Агесілай. Пасля 12-месячнай аблогі ў 380 г. да н.э., ён атрымаў Фліунт і канчаткова зацвердзіў у ім алігархічны рэжым[2]. Да Пелапанескай вайны Фліунт стаяў на боку спартанцаў; 200 фліясійцаў ваявалі пад камандаваннем Леаніда пры Фермапілах з персамі.
У 394 г. у Фліунце адбыўся дэмакратычны рух, пасля чаго выгнаныя алігархі звярнуліся па дапамогу да Спарты. Хоць фліясійцы і адчынілі вароты лакедэманянам, але алігархія была адноўлена толькі пасля шэрагу ўнутраных разладаў і новага нашэсця лакедэмонскага войска на чале з Агесілаем. Пасля гэтага, нягледзячы на спробы дэмакратыі зацвердзіцца ў Фліунце і на напады аргівян, сікіёнцаў і аркадзян, фліясійцы заставаліся вернымі Спарце.
У перыяд, які непасрэдна папярэднічаў рымскаму заваяванню, Фліунт стаяў на боку Ахейскага саюза. Географ II ст. Пталамей згадвае пра Фліунт як пра частку Аргіўскай вобласці.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.