Уроцлаўскія гномы

Уро́цлаўскія гно́мы («красналюдкі») — назва бронзавых статуэтак-гномаў, што ўсталёўваюць ва Уроцлаве з 2001 года, колькасць якіх пастаянна расце. На дадзены момант з'яўляюцца адной з турыстычных славутасцей горада. Існуюць спецыяльныя экскурсіі і брашуры, якія дапамагаюць знайсці гэтых гномаў у горадзе, а таксама апісваюць індывідуальную гісторыю кожнага гнома^[1].

Адзін з уроцлаўскіх гномаў

Рэгулярна ўсталёўваюць новых гномаў, а таксама крадуць і ламаюць старых^[2].

Прадгісторыя гэтых гномаў — у сімволіцы Аранжавай альтэрнатывы, падпольнай групы, а пазней хэпенінгавага руху, які дзейнічаў у некалькіх гарадах Польшчы, галоўным чынам ва Уроцлаве, у 1980-х гадах. Першыя намаляваныя гномы з'явіліся ва Уроцлаве па задумцы кіраўніка руху Вальдэмара Фідрыха (Маёра Фідрыха)^[3], а самай вядомай арганізаванай акцыяй стала Дэманстрацыя гномаў 1 чэрвеня 1987 г.

Станам на канец 2014 года налічвалася больш за 300 гномаў па ўсім горадзе.

Зноскі

1. Wycieczka szlakiem krasnali (нявызн.). Wrocław24 (18 ліпеня 2008). Праверана 30 лістапада 2008.(недаступная спасылка)
2. More about number of dwarfs (нявызн.). krasnale.pl.
3. Социальные гетто андеграунда (руск.). Праверана 22 сакавіка 2011.

Спасылкі

• На Вікісховішчы ёсць медыяфайлы па тэме Уроцлаўскія гномы