From Wikipedia, the free encyclopedia
Тала́і, або куану́а (саманазвы: Tolai літаральна "сябра", kuanua літаральна "сапраўдная зямля") — меланезійскі народ, карэннае насельніцтва часткі архіпелага Бісмарка. Агульная колькасць (2015 г.) - 121 000 чал.[1]
Талаі, куануа (Tolai, kuanua) | |
Фота каля 1918 г. | |
Агульная колькасць | 121 тыс. (2015 г.) |
---|---|
Рэгіёны пражывання | Папуа — Новая Гвінея |
Мова | талаі |
Рэлігія | анімізм, культ продкаў, хрысціянства |
Блізкія этнічныя групы | ні-вануату |
Талаі насяляюць паўночны ўсход вострава Новая Брытанія, а таксама суседнія невялікія астравы. У мінулым не мелі адзінай саманазвы. Сучасныя назвы tolai і kuanua былі дадзены еўрапейскімі місіянерамі і канчаткова замацаваліся толькі напярэдадні другой сусветнай вайны.
Асноўны гаспадарчы занятак — земляробства, на марскім узбярэжжы — рыбалоўства. Талаі знаходзіліся под моцным уплывам еўрапейскай культуры з 1870 г., калі на іх землях з'явіліся гандляры і хрысціянскія святары. Пад іх уплывам традыцыйная гаспадарка значна камерцыялізавалася. Доўгі час талаі займаліся вытворчасцю копры. З сярэдзіны XX ст. асноўны прыбытак дае вырошванне какава. Многія талаі жывуць і працуюць у гарадах. Да прыходу еўрапейцаў адзінай палітычнай арганізацыі не мелі. Галоўную ролю ў грамадскім жыцці адыгрывалі вясковыя абшчыны і родавыя правадыры. Адлік сваяцтва вядзецца як па мужчынскай, так і жаночай лініі. Аднак роды фарміруюцца па лініі маці.
Талаі знакаміты сваімі яркімі і экспрэсіўнымі танцамі, якія раней мелі сакральны характар і арганізоўваліся падчас мужчынскіх святаў балагуан або святаў матаматам, прысвечаных духам прыроды.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.