Сяргей Сяргеевіч Мацвейчык

Сяргей Мацвейчык (нар. 5 чэрвеня 1988, Жлобін) — беларускі футбаліст, правы абаронца клуба «Гомель» і былы ігрок нацыянальнай зборнай Беларусі.

Сяргей Мацвейчык
Агульная інфармацыя
Поўнае імя	Сяргей Сяргеевіч Мацвейчык
Нарадзіўся	5 чэрвеня 1988(1988-06-05)[1][2] (36 гадоў) Жлобін, Жлобінскі раён, Гомельская вобласць, БССР, СССР
Грамадзянства	Беларусь
Рост	176 см
Вага	77 кг[3]
Пазіцыя	абаронца
Інфармацыя пра клуб
Клуб	Гомель
Нумар	3
Клубная кар’ера[* 1]
2005—2012 Гомель 121 (3) 2013—2020 Шахцёр (Салігорск) 192 (1) 2020—2021 Дынама (Мінск) 39 (0) 2022— Гомель 47 (0)
Нацыянальная зборная[* 2]
2009—2011 Беларусь (да 21) 19 (0) 2011 Беларусь (алімпійская) 3 (0) 2014—2020 Беларусь 15 (0)
Узнагароды і медалі
Дзяржаўныя і ведамасныя ўзнагароды
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 2 лютага 2024. Колькасць гульняў і галоў за нацыянальную зборную ў афіцыйных матчах, адкарэктавана станам на 26 лютага 2020

Клубная кар’ера

Выхаванец «Гомеля», гуляў спачатку за дубль, потым пачаў праходзіць у асноўны склад. З цягам часу стаў асноўным правым абаронцам гомельскай каманды.

У снежні 2012 года перайшоў у «Шахцёр»^[4]. У салігорскім клубе таксама стаў выступаць як правы абаронца. У снежні 2013 года падоўжыў кантракт з гарнякамі^[5]. У сезоне 2014 заставаўся асноўным правым абаронцам салігарчан. У снежні 2014 года кантракт з «Шахцёрам» зноў быў падоўжаны^[6]. У жніўні-верасні 2015 года не гуляў з-за траўмы, пазней вярнуўся ў асноўны склад. У лістападзе 2015 года ў чарговы раз падоўжыў кантракт з «гарнякамі»^[7]. У сезоне 2016 заставаўся асноўным правым абаронцам салігарчан, хоць часам саступаў месца ў складзе Ігару Бурко. У снежні 2016 года падпісаў новае пагадненне з «Шахцёрам»^[8]. У сезоне 2017, працягваючы ў асноўным гуляць правага абаронцу, стаў часам выступаць на пазіці левага абаронцы. У кастрычніку 2017 года стала вядома, што Мацвейчык застанецца ў камандзе на наступны сезон^[9].

У лістападзе 2018 года падпісаў новы кантракт з «Шахцёрам»^[10]. У жніўні 2019 года, пасля зыходу з каманды Андрэя Клімовіча, стаў капітанам «Шахцёра». У пачатку 2020 года перастаў быць капітанам каманды, у а красавіку быў пазбалены месца ў аснове і адпраўлены ў дубль. У маі 2020 года па пагадненні бакоў пакінуў салігорскі клуб^[11].

У чэрвені 2020 года падпісаў кантракт з мінскім «Дынама»^[12]. Замацаваўся ў стартавым складзе сталічнага клуба. У студзені 2022 года перайшоў у «Гомель»^[13]. У пачатку сезона 2023 стаў капітанам гомельскай каманды. У студзені 2024 года падпісаў новы кантракт з клубам^[14].

Міжнародная кар’ера

Гуляў за моладзевую зборную Беларусі на працягу 2009—2011 гадоў. Трапіў на чэмпіянат Еўропы ў Даніі ўлетку 2011 года, дзе згуляў у двух матчах. У 2011 годзе гуляў таксама за алімпійскую зборную.

У верасні 2014 года быў упершыню выкліканы ў нацыянальную зборную Беларусі^[15]. Дэбютаваў у зборнай 15 лістапада 2014 года, адгуляўшы ўвесь матч супраць Іспаніі (0:3) на пазіцыі правага абаронцы.

У 2015—2016 гадах не выклікаўся ў зборную, а 1 чэрвеня 2017 года пасля доўгага перапынку зноў згуляў за нацыянальную каманду, правёўшы на полі другі тайм таварыскага матча супраць Швейцарыі (0:1).

Дасягненні

• 02 Срэбраны прызёр чэмпіянату Беларусі (3): 2013, 2016, 2018
• 03 Бронзавы прызёр чэмпіянату Беларусі (6): 2011, 2014, 2015, 2017, 2019, 2021
• Уладальнік Кубка Беларусі (4): 2011, 2014, 2019, 2022
• Уладальнік Суперкубка Беларусі: 2012
• Пераможца Першай лігі чэмпіянату Беларусі: 2010
• У спісе 22 найлепшых футбалістаў чэмпіянату Беларусі (4): 2014, 2017, 2018, 2019
• 03 Бронзавы прызёр моладзевага чэмпіянату Еўропы: 2011, Данія

Статыстыка выступленняў

Сезон	Дывізіён	Клуб	Краіна	Матчы	Галы
2005	дубль	Гомель		24	1
2006	Д1	Гомель		1	0
2007	Д1	Гомель		1	0
2008	Д1	Гомель		23	1
2009	Д1	Гомель		24	1
2010	Д2	Гомель		27	0
2011	Д1	Гомель		23	1
2012	Д1	Гомель		22	0
2013	Д1	Шахцёр		29	0
2014	Д1	Шахцёр		31	0
2015	Д1	Шахцёр		18	1
2016	Д1	Шахцёр		25	0
2017	Д1	Шахцёр		29	0
2018	Д1	Шахцёр		29	0
2019	Д1	Шахцёр		28	0
2020 (1)	Д1	Шахцёр		3	0
2020 (2)	Д1	Дынама		12	0
2021	Д1	Дынама		27	0
2022	Д1	Гомель		22	0
2023	Д1	Гомель		25	0

Крыніцы

1. Sergey Matvejchik // Transfermarkt — 2000. Праверана 9 кастрычніка 2017.

   <a href='https://wikidata.org/wiki/Track:Q2449070'></a>
2. Syarhey Matsveychyk // FBref.com

   <a href='https://wikidata.org/wiki/Track:Q56239490'></a>
3. https://www.fcgomel.by/team/main-roster/sergey-matveychik/
4. Сергей Матвейчик заключил контракт с "Шахтером" (руск.). football.by (10 снежня 2012). Праверана 2 лютага 2024.
5. Матвейчик продлил контракт с "Шахтером" (руск.). football.by (27 снежня 2013). Праверана 2 лютага 2024.
6. Котенко, Юревич, Матвейчик, Старгородский и Ковалев продлили контракты с «Шахтером» (руск.). by.tribuna.com.
7. Бушма и Матвейчик продлили контракты с "Шахтером" (руск.). football.by (17 лістапада 2015). Праверана 2 лютага 2024.
8. Сергей Матвейчик продлил контракт с "Шахтером" (руск.). football.by (20 снежня 2016). Праверана 2 лютага 2024.
9. Януш, Матвейчик и еще пять игроков основного состава продлили контракты с «Шахтером» (руск.). by.tribuna.com.
10. Бакай, Бурко и еще два игрока продлили контракты с "Шахтером" (руск.). football.by (5 лістапада 2018). Праверана 2 лютага 2024.
11. "Шахтер" подтвердил уход Матвейчика (руск.). football.by (26 мая 2020). Праверана 2 лютага 2024.
12. Матвейчик стал игроком минского "Динамо" (руск.). football.by (2 чэрвеня 2020). Праверана 2 лютага 2024.
13. Сергей Матвейчик вернулся в "Гомель" (руск.). football.by (5 студзеня 2022). Праверана 2 лютага 2024.
14. Матвейчик подписал новый контракт с "Гомелем" (руск.). football.by (4 студзеня 2024). Праверана 2 лютага 2024.
15. Родионов, Сиваков, Брессан, Жевнов и Януш вызваны в сборную Беларуси, Глеб – вне состава (руск.). by.tribuna.com.