Сяргей Пятровіч Шупляк

Шупляк Сяргей Пятровіч (нар. 24 красавіка 1979) — беларускі гісторык, кандыдат гістарычных навук (2011). З 2022 дэкан гістарычнага факультэта БДПУ.

Сяргей Пятровіч Шупляк
Дата нараджэння	24 красавіка 1979(1979-04-24) (45 гадоў)
Месца нараджэння	Мінск, БССР, СССР
Грамадзянства	Беларусь
Бацька	Пётр Аляксеевіч Шупляк
Род дзейнасці	гісторык, выкладчык універсітэта, дэкан
Навуковая сфера	гісторыя
Месца працы	гістарычны факультэт БДПУ імя М. Танка
Навуковая ступень	кандыдат гістарычных навук
Альма-матар	гістарычны факультэт БДУ (2001)
Навуковы кіраўнік	Віктар Анатолевіч Фядосік

Біяграфія

Нарадзіўся 24 красавіка 1979 года ў Мінску ў сям’і службоўцаў. Бацька — беларус, маці — беларуска.

Бацька Пётр Аляксеевіч Шупляк — савецкі і беларускі гісторык, прафесар Беларускага дзяржаўнага ўніверсітэта, кандыдат гістарычных навук, дэкан гістарычнага факультэта БДУ (1991—1996).

У 2001 годзе скончыў гістарычны факультэт БДУ. У 2002 годзе магістратуру БДУ па спецыяльнасці «Сусветная гісторыя».

У 2002 г. стаў аспірантам кафедры гісторыі старажытнага свету і сярэдневякоўя гістарычнага факультэта БДУ. У перыяд 2002—2005 гг. навучаўся ў аспірантуры БДУ. Навуковы кіраўнік — загадчык кафедры, доктар гістарычных навук, прафесар В. А. Федосік. У 2011 г. абараніў дысертацыйную працу на тэму «Паломніцтва ў духоўнай і сацыяльна-палітычнай жыцці заходнееўрапейскага грамадства (IV-ХIII стст.)».

З 2005 года выкладчык кафедры гісторыі старажытных цывілізацый і сярэдневякоўя гістарычнага факультэта БДПУ. З 2015 на кафедры ўсеагульнай гісторыі і методыкі выкладання гісторыі.

З 2015 да 2020 гг. — намеснік дэкана па навуковай рабоце. У перыяд з 2015 па 2016 працаваў настаўнікам гісторыі ў ДУА «Сярэдняя школа № 159 г. Мінска». З 2013 па 2016 гг. выконваў абавязкі намесніка адказнага сакратара прыёмнай камісіі БДПУ.

У 2009 г. пад агульным кіраўніцтвам прафесара М. І. Мініцкага, склаў і падрыхтаваў да друку хрэстаматыю па гісторыі Старажытнай Грэцыі і Рыма^[1].

Са жніўня 2022 г. — дэкан гістарычнага факультэта БДПУ.

Навуковая дзейнасць

Сфера навуковых інтарэсаў: гісторыя рэлігіі сярэдневяковай Заходняй Еўропы, выкарыстанне ІКТ і LMS Moodle у навучальным працэсе. Аўтар больш за 80 навуковых публікацый.

Асноўныя публікацыі:

• Статус паломников в средневековом социуме Западной Европы / С. П. Шупляк // Працы гістарычнага факультэта БДУ : навук. зб. / Беларус. дзярж. ун-т; рэдкал.: У. К. Коршук (адк. рэд.) [і інш.]. — Мінск, 2013. — Вып. 8. — С. 155—165.
• Западноевропейские средневековые паломничества / С. П. Шупляк // Крыніцазнаўства і спецыяльныя гістарычныя дысцыпліны : навук. зб. / Беларус. дзярж. ун-т; рэдкал.: С. М. Ходзін (адк. рэд.) [і інш.]. — Мінск, 2013. — Вып. 8. — С. 108—120.
• Западноевропейские средневековые религиозные паломничества / С. П. Шупляк // Весн. БДУ. Сер. 3, Гісторыя. Філасофія. Псіхалогія. Паліталогія. Сацыялогія. Эканоміка. Права. — 2005. — № 1. — С. 15-20.

Крыніцы

1. Николай Иосифович Миницкий, Сергей Петрович Шупляк. История Древней Греции и Рима: хрестоматия. — БГПУ, 2009. — ISBN 978-985-501-678-7.

Спасылкі

• Профіль у Google Акадэміі
• Асабісты профіль на сайце БДПУ