Сялец (Лідскі раён)

У паняцця ёсць і іншыя значэнні, гл. Сялец.

Сяле́ц^[1] (трансліт.: Sialiec, руск.: Селец) — вёска ў Лідскім раёне Гродзенскай вобласці, на рацэ Нёман. Уваходзіць у склад Ганчарскага сельсавета. Чыгуначная станцыя Нёман.

Вёска Сялец Краіна Беларусь Вобласць Гродзенская Раён Лідскі Сельсавет Ганчарскі Каардынаты 53°40′10″ пн. ш. 25°25′45″ у. д.HGЯO Насельніцтва ▼247 чал. (2009) Часавы пояс UTC+3 Тэлефонны код +375 1561 Паштовыя індэксы 231305 Аўтамабільны код 4 СААТА 4236827071 Сялец на карце Беларусі ±

Сялец на Вікісховішчы

Гісторыя

Сялец згадваецца ўжо ў пачатку ХV стагоддзя. З сярэдзіны XVI ст. ў Лідскім павеце ВКЛ. Паводле вопісу парафій Лідскага дэканата, у 1784 годзе вёска, двор і фальварак Сялец належалі да Беліцкай парафіі, уласнасць ваяводы віленскага Караля Станіслава Радзівіла^[2]. Гасцінец вёў праз Сялец да перавозу цераз Нёман, а далей да карчмы і вёскі Руда.

Пасля трэцяга падзелу Рэчы Паспалітай (1795) вёска ў Расійскай імперыі. У 1915 годзе акупавана Германіяй, з 1921 года ў складзе Польшчы, з 1939 года — у БССР. З канца чэрвеня 1941 года да пачатку ліпеня 1944 года пад нямецка-фашысцкай акупацыяй.

У 1940—1954 гадах цэнтр Нёманскага сельсавета.

Транспарт

Станцыя Нёман

Чыгуначная станцыя Нёман на лініі Ліда — Баранавічы.

Зноскі

1. Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).
2. pawet.net

Спасылкі

• На Вікісховішчы ёсць медыяфайлы па тэме Сялец (Лідскі раён)