Старое Сяло (Жабінкаўскі раён)

У паняцця ёсць і іншыя значэнні, гл. Старое Сяло.

Старо́е Сяло́^[1] (трансліт.: Staroje Sialo, руск.: Старое Село) — вёска ў Жабінкаўскім раёне Брэсцкай вобласці. Уваходзіць у склад Азяцкага сельсавета.

Вёска Старое Сяло Краіна Беларусь Вобласць Брэсцкая Раён Жабінкаўскі Сельсавет Азяцкі Каардынаты 52°05′14″ пн. ш. 24°05′57″ у. д.HGЯO Насельніцтва 453 чалавекі Часавы пояс UTC+3 Тэлефонны код +375 1641 Паштовыя індэксы 225118 Аўтамабільны код 1 Старое Сяло на карце Беларусі ±

Гісторыя

У дакументах Старое Сяло сустракаецца з сярэдзіны XVI ст. Верагодны час заснавання — XV ст.

Згодна рэвізіі 1566 г., вёска з'яўлялася цэнтрам Старасельскага войтаўства Палескай воласці Берасцейскага староства.

У 1940—1954 гадах цэнтр Старасельскага сельсавета.

Насельніцтва

У 1816 г. у вёсцы жылі 52 чалавекі.

У 1857 г. тут 90 двароў, 326 чалавек. У 1866 г. вёска стала цэнтрам аднайменнага сялянскага таварыства Азяцкай воласці (жылі 547 сялян).

У 1897 г. налічвалася 137 двароў, дзе жыў 921 чалавек.

У 1914 г. — 183 двары і 1059 жыхароў — найбольшая колькасць насельніцтва за ўсю гісторыю.

У 1935 г. насельніцтва зменшылася да 892 чалавек.

У 1999 г. у вёсцы 244 двары, дзе жывуць 535 чалавек.

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU). Сустракаецца таксама варыянт Ста́ра Весь, ж.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх