Сліва дамашняя

Сліва дамашняя^[1] (Prunus domestica), пладовае дрэва роду сліва сямейства ружакветных.

Сліва дамашняя
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ружакветныя Сямейства:  Ружавыя Падсямейства:  Слівавыя Трыба:  Amygdaleae Род:  Сліва Падрод:  Prunus Від:  Сліва дамашняя
Міжнародная навуковая назва
Prunus domestica L.
Сістэматыка на Віківідах Выявы на Вікісховішчы ITIS   24774 NCBI   3758 EOL   301139 GRIN   t:29888 IPNI   30221374-2 TPL   tro-27800332

Назва

Сліва дамашняя, сліва^[2][3].

Батанічнае апісанне

Дрэва вышынёй да 10 м. Лісце чараньковае, эліптычнае або яйкападобнае. Кветкі белыя або зеленаватыя, адзіночныя або па 2-3 ў суквеццях. Плод — касцянка з мясістым каляплоднікам. Плады ўтрымліваюць цукры, арганічныя кіслоты, вітаміны В, С, К, караціны.

У культуры

У дзікім стане не сустракаецца і, як мяркуюць, з’яўляецца гібрыдам цёрну (найбольш пашыранага дзікага віду слівы) і алычы. Таксама розныя формы слівы маглі ўтварыцца ад розных падвідаў цёрну і алычы шляхам паўторнай гібрыдызацыі з гэтымі відамі.

На Беларусі сліва дамашняя культывуецца па ўсёй краіне. Пачынае пладаносіць на 3-4-ы год. Перыяд гаспадарчага выкарыстання 12-15 гадоў. Плады выспяваюць у канцы жніўня-верасні.

Шкоднікі

Асноўны шкоднік — слівавая пладажэрка.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 106. — 160 с. — 2 350 экз.
2. Ганчарык М. М. Беларускія назвы раслін. Праца навуковага таварыства па вывучэнню Беларусі, т. II і IV. Горы-Горки, 1927
3. Kraskoŭski A. Bielaruskija lekarskija ziolki. Wilnia, 1921

Літаратура

• Энцыклапедыя сельскага гаспадара. — Мн.: БелЭн, 1993.