Сардыцкі сельсавет

Сарды́цкі сельсавет — былая адміністрацыйна-тэрытарыяльная адзінка ў складзе Верхнядзвінскага раёна Віцебскай вобласці. Цэнтр — вёска Сардыкі.

Сардыцкі сельсавет
Краіна	Беларуская ССР
Уваходзіў у	Дрысенскі раён
Адміністрацыйны цэнтр	Сардыкі
Дата ўтварэння	20 жніўня 1924
Дата скасавання	26 ліпеня 1973

Утвораны 20 жніўня 1924 года як Велікаплейкаўскі сельсавет у складзе Дрысенскага раёна Полацкай акругі БССР. Цэнтр — вёска Вялікія Плейкі. 21 жніўня 1925 года перайменаваны ў Сардыцкі сельсавет, цэнтр перанесены ў вёску Сардыкі. Пасля скасавання акруговай сістэмы з 26 ліпеня 1930 года ў Дрысенскім раёне БССР, з 21 чэрвеня 1935 года — Полацкай акругі, з 20 лютага 1938 года — Віцебскай вобласці, з 20 верасня 1944 года — Полацкай вобласці, з 8 студзеня 1954 года — Віцебскай вобласці. 16 ліпеня 1954 года да сельсавета далучана тэрыторыя скасаванага Сар’янскага сельсавета^[1]. 25 снежня 1962 года Дрысенскі раён перайменаваны ў Верхнядзвінскі. 26 сакавіка 1973 года цэнтр сельсавета перанесены ў вёску Сар’я, сельсавет перайменаваны ў Сар’янскі^[2].