Рыжскі трамвай (лат.: Tramvaju satiksme Rīgā) — від гарадскога грамадскага транспарту ў Рызе.
На 2023 год у Рызе дзейнічаюць 6 трамвайных маршрутаў.
Гісторыя
У 1882 годзе быў заключаны дагавор канцэсіі паміж Рыжскай гарадской ўправай і генеральным консулам Швейцарыі ў Расіі інжынерам Эжэнам Дзюпонам. Дагавор прадугледжваў будаўніцтва першых ліній гарадской конкі (умяшчальнасць - да 40 пасажыраў). 23 жніўня 1882 г у Рызе былі адкрытыя 3 лініі. «A» - па Тэатральным бульвары-Александраўскай да Рэвельскай вуліцы. Лінія «B» пачыналася таксама з Тэатральнага бульвара, працягвалася на вуліцы Карлаўская міма Даўгаўмалскага рынку да моста. Трэцяя лінія «C» пачыналася з набярэжнай праходзіла па Маскоўскай вуліцы і сканчалася на Дзвінскай. У 1885 трамвайная гаспадарка была пераўтворана ў АТ «Рыжская конная чыгунка».
У 1900 годзе Рыжская гарадская ўправа акцыянернае таварыства Дзюпона падпісалі дагавор, згодна з якім на працягу паўтары гадоў патрабавалася пабудаваць некалькі ліній электрычнага транспарту. 11 (24) ліпеня 1901 года першы электрычны трамвай адправіўся ў шлях па лініі «Горад - Аляксандраўскія вароты».
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
