Рыгор Фёдаравіч Чаляднін

Рыгор Фёдаравіч Чаляднін-Давыдаў (руск.: Григорий Фёдорович Челядин-Давыдов; памёр пасля 1521) — баярын пры двары князёў маскоўскіх Івана III і Васіля III, ваявода. Сын Фёдара Давыдавіча, баярына і ваяводы.

Рыгор Фёдаравіч Чаляднін
Нараджэнне	XV стагоддзе
Смерць	XVI стагоддзе
Род	Чалядніны[d]
Званне	дзеці баярскія[d], ваявода і баяры
Бітвы	Russo-Swedish War of 1495–1497[d] Вайна Маскоўскай дзяржавы з Вялікім княствам Літоўскім Літоўска-маскоўская вайна 1507—1508 гадоў Літоўска-маскоўская вайна 1512—1522 гадоў Бітва пад Оршай

У Вікіпедыі ёсць артыкулы пра іншых людзей з прозвішчам Давыдаў.

У Вікіпедыі ёсць артыкулы пра іншых людзей з прозвішчам Чаляднін.

Удзельнічаў у 1495 годзе ў паходзе Івана III на Ноўгарад. У 1496 годзе ў паходзе на Швецыю ён згадваецца як другі ваявода ў пярэднім палку, у другой экспедыцыі таго ж года згадваецца ўжо як другі ваявода ў правым палку. У 1501 годзе першы ваявода ў палку правай рукі, браў удзел у бітве пад Мсціславам. У 1502 годзе 5-ы ваявода ў войску Сямёна Іванавіча Мажайскага.

У 1507 годзе першы ваявода ў вялікім палку ў паходзе з Вялікіх Лукаў на Вялікае Княства Літоўскае, у 1508годзе  — ваявода вялікі. У 1510 годзе стаў першым намеснікам у Пскове, прыводзіў горад да прысягі на вернасць маскоўскаму князю. Часта ўдзельнічаў у баях з татарамі як першы ці другі ваявода. У 1512 першы ваявода левай рукі ў выправе маскавітаў на Смаленск падчас маскоўска-літоўскай вайны 1512—1522. У 1514 годзе яго адправілі ў Смаленск, а пасля захопу і раскрыцця здрады Міхаіла Глінскага выправіўся ў абоз пад Оршу. Як ваявода ў вялікім палку, удзельнічаў у бітве пад Оршай, падчас бітвы ўцёк ад паражэння з поля. Пасля бітвы ён больш не ўдзельнічаў у баявых дзеяннях.