Рыгор Філатавіч Фамічоў

У Вікіпедыі ёсць артыкулы пра іншых людзей з прозвішчам Фамічоў.

Рыго́р Філа́тавіч Фамічо́ў (10 студзеня 1925, в. Рунцава Навасільскага раёна Арлоўскай вобласці, РСФСР — 24 студзеня 1978, г. Гродна, Беларуская ССР) — савецкі партыйны і дзяржаўны дзеяч, старшыня Гродзенскага аблвыканкама (1972—1978).

Рыгор Філатавіч Фамічоў
Старшыня Гродзенскага аблвыканкама лістапад 1972 — 24 студзеня 1978
Кіраўнік урада	Ціхан Кісялёў
Папярэднік	Мікалай Малочка
Пераемнік	Сяргей Кабяк
Другі сакратар Гродзенскага абласнога камітэта КПБ студзень 1968 — кастрычнік 1972
Папярэднік	Іван Мікуловіч
Пераемнік	Сяргей Кабяк
Нараджэнне	10 студзеня 1925(1925-01-10) в. Рунцава Навасільскага раёна Арлоўскай вобласці
Смерць	24 студзеня 1978(1978-01-24) (53 гады) Гродна, Гродзенская вобласць, БССР, СССР
Партыя	УКП(б) (з 1945)
Адукацыя	Вышэйшая партыйная школа пры ЦК КПСС (1958)
Род войскаў	Савецкі партызанскі рух у Беларусі
Бітвы	Вялікая Айчынная вайна
Узнагароды

Біяграфія

Падчас Айчыннай вайны з ліпеня 1942 года быў у партызанах: радавы, камандзір аддзялення партызанскага атрада імя М. Ф. Гастэлы, 121-й брыгады імя А. Ф. Браціна Мінскай вобласці, затым — у брыгадзе імя У. І. Чапаева Баранавіцкай вобласці, намеснік камандзіра партызанскай брыгады па камсамоле, упаўнаважаны ЦК ЛКСМБ. З сакавіка 1943 — інструктар, з красавіка 1943 — член Баранавіцкага падпольнага абкама ЛКСМБ, з сакавіка 1944 года — сакратар Навагрудскага падпольнага райкама ЛКСМБ.

З 1944 года — на камсамольскай рабоце ў Гродзенскай і Баранавіцкай абласцях.

У 1958—1960 гадах — першы сакратар Поразаўскага райкама, у 1961—1968 гадах — Лідскага гаркама КПБ. У 1968—1972 гадах — загадчык аддзела, другі сакратар Гродзенскага абкама КПБ. З 1972 года і да самай сваёй смерці быў на пасадзе старшыня Гродзенскага аблвыканкама.

Ушанаванне памяці

У горадзе Гродна адна з вуліц носіць імя Рыгора Фамічова. Таксама ў яго гонар названа адна з вуліц Ліды.

Спасылкі

• Председатели Гродненского облисполкома