Раман Савіч Кудзельскі

У Вікіпедыі ёсць артыкулы пра іншых людзей з прозвішчам Кудзельскі.

Рама́н Са́віч Кудзе́льскі (1 кастрычніка 1890, Гродзенская губерня — невядома) — наркам юстыцыі БССР (1936—1937) і старшыня Вярхоўнага Суда БССР (1933—1936)^[1].

Раман Савіч Кудзельскі
Народны камісар юстыцыі БССР 15 верасня 1936 — 23 чэрвеня 1937
Кіраўнік урада	Мікалай Галадзед
Папярэднік	Павел Кузьмін
Пераемнік	Вольга Суханава
Старшыня Вярхоўнага Суда БССР 1933 — 1936
Папярэднік	Павел Валасевіч
Пераемнік	Вольга Суханава
Нараджэнне	1 кастрычніка 1890(1890-10-01) Гродзенская губерня, Літоўскае генерал-губернатарства, Расійская імперыя
Смерць	невядома
Партыя	УКП(б) (1918)

Біяграфія

Нарадзіўся ў сялянскай сям'і ў Гродзенскай губерні. У 1917 годзе міліцыянер станцыі Дзвінск Паўночна-Заходняй чыгункі, у наступным быў камандзіраваны ў крымінальны вышук той жа дарогі. У лістападзе 1918 года ўступіў у партыю бальшавікоў. З 1920 года мабілізаваны ў Чырвоную Армію і накіраваны ў Рэўваентрыбунал на пасаду ваеннага следчага.

У 1923 годзе член крымінальнай калегіі Віцебскага губернскага суда, у 1924 годзе член Вышэйшага Суда, з 1928 года пракурор Віцебскай акругі.

У 1933—1936 гадах займаў пасаду Старшыні Вярхоўнага Суда БССР.

15 верасня 1936 года прызначаны Народным камісарам юстыцыі БССР.

З 23 чэрвеня 1937 года старшыня Мінскага гарадскога Савета.

23 кастрычніка 1937 арыштаваны, апраўданы па прысуду Ваеннай Калегіі Вярхоўнага Суда СССР ад 14 студзеня 1940 года. Затым зноў арыштаваны і расстраляны^[2].

Рэабілітаваны ў красавіку 1989 года.

Зноскі

1. Кудзельскі Раман Савіч (нявызн.)(недаступная спасылка). Архівавана з першакрыніцы 7 студзеня 2018. Праверана 17 снежня 2017.
2. История в лицах (руск.)(недаступная спасылка) (1-2010). — Юстиция Беларуси. Архівавана з першакрыніцы 16 лютага 2020.