Даўжыня цела — 50-58 мм, брушка 37-39 мм, даўжыня задняга крыла — 30-35 мм. На краі патыліцы два вырасты. Афарбоўка цела аліўкава-зялёная з чорнымі кольцамі на брушку. Светлыя часткі цела зялёныя (амаль усе грудзі) ці жоўтыя. Самец: ніжні анальны прыдатак глыбока расколаты. Самка: генітальная пласцінка невялікая, з двума доўгімі тонкімі вырастамі. Пярэдні край крылаў інтэнсіўна-жоўтага колеру, у аснове задніх крылаў маецца трохкутная жоўтая пляма. Ногі доўгія.
Лічынка шэра-чорнага колеру з жоўтым малюнкам. Пузатая, хваставыя ніткі адсутнічаюць.
Remove ads
Паштовая марка Беларусі.
Від распаўсюджаны дастаткова шырока, ад Цэнтральнай Азіі да Еўропы, дасягаючы Германіі і Даніі. Арэал таксама ўключае Каўказ, Урал, да Заходняй Сібіры. Вядомыя адзінкавыя знаходкі віду па ўсёй тэрыторыі Еўрапейскай часткі Расіі. Уключаны ў Чырвоную кнігу Беларусі.
