Пепэ

Кеплер Лаверан Ліма Ферэйра (парт.-браз. Képler Laveran Lima Ferreira), больш вядомы як Пе́пэ (парт.-браз. Pepe; бразільская партугальская: [ˈpɛpi]); нар. 26 лютага 1983, Масеё, Бразілія) — партугальскі футбаліст бразільскага паходжання, абаронца клуба «Порту» і нацыянальнай зборнай Партугаліі.

Пепэ
Агульная інфармацыя
Поўнае імя	Кеплер Лаверан Ліма Ферэйра
Мянушкі	Звер
Нарадзіўся	26 лютага 1983(1983-02-26)[1][2] (41 год) Масеё[d], штат Алагоас, Бразілія
Грамадзянства	Партугалія  Бразілія
Рост	187 см
Вага	81 кг
Пазіцыя	цэнтральны абаронца
Інфармацыя пра клуб
Клуб	Порту
Нумар	3
Маладзёжныя клубы
2000—2001 Карынтыянс Алагуану
Клубная кар’ера[* 1]
2001—2002 Марытыму B 14 (1) 2002—2004 Марытыму 63 (3) 2004—2007 Порту 64 (6) 2007—2017 Рэал Мадрыд 229 (13) 2017—2018 Бешыкташ 33 (5) 2019— Порту
Нацыянальная зборная[* 2]
2007— Партугалія 103 (7)
Узнагароды і медалі
Кубкі канфедэрацый Бронза Расія 2017 Чэмпіянаты Еўропы Бронза Польшча/Украіна 2012 Золата Францыя 2016
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 9 студзеня 2018. Колькасць гульняў і галоў за нацыянальную зборную ў афіцыйных матчах, адкарэктавана станам на 18 снежня 2018
Медыяфайлы на Вікісховішчы

Клубная кар’ера

Пепэ з’яўляецца выхаванцам бразільскага футболу. 18-гадовым юнаком перабраўся ў Партугалію, дзе дэбютаваў у дарослым футболе ў 2001 годзе выступамі за каманду клуба «Марытыму» з вострава Мадэйра. Ужо з наступнага года стаў асноўным іграком каманды. Правёў у «Марытыму» тры сезоны, прыняўшы ўдзел у 63 матчах чэмпіянату.

Сваёй гульнёй за каманду прыцягнуў увагу прадстаўнікоў трэнерскага штаба клуба «Порту», да складу якога далучыўся ў 2004 годзе. Згуляў за клуб з Порту наступныя тры сезоны сваёй гульнявой кар’еры. Гуляючы ў складзе «Порту» таксама выходзіў на поле ў асноўным складзе каманды. За гэты час двойчы выйграваў чэмпіянаты краіны і розыгрышы нацыянальнага Кубка. У 2004 годзе стаў у складзе «Порту» ўладальнікам Міжкантынентальнага кубка.

У склад мадрыдскага «Рэала» далучыўся ў 2007 годзе. Доўгі час быў асноўным абаронцам мадрыдцаў. У сезоне 2016/17 з-за траўм правёў толькі 18 матчаў ва ўсіх турнірах, і ў канцы сезона абвясціў аб зыходзе з «Рэала» па заканчэнні кантракта. У ліпені 2017 года падпісаў пагадненне з турэцкім «Бешыкташам»^[3]. Пакінуў «Бешыкташ» па пагадненні бакоў у снежні 2018 года^[4].

У студзені 2019 года вярнуўся ў «Порту»^[5].

Міжнародная кар’ера

У жніўні 2007 года атрымаў грамадзянства Партугаліі і тым жа месяцам быў упершыню выкліканы ў зборную Партугаліі. Разам са зборнай браў удзел у шматлікіх міжнарожных спаборніцтвах.

Дасягненні

«Порту»:

• Чэмпіён Партугаліі (4): 2006, 2007, 2020, 2022
• Уладальнік Кубка Партугаліі (4): 2006, 2020, 2022, 2023
• Уладальнік Суперкубка Партугаліі (2): 2006, 2020
• Уладальнік Міжкантынентальнага кубка: 2004

«Рэал» Мадрыд:

• Чэмпіён Іспаніі (3): 2008, 2012, 2017
• Уладальнік Кубка Іспаніі (2): 2011, 2014
• Уладальнік Суперкубка Іспаніі (2): 2008, 2012
• Пераможца Лігі чэмпіёнаў (3): 2013/14, 2015/16, 2016/17
• Уладальнік Суперкубка УЕФА: 2014
• Пераможца клубнага чэмпіянату свету (2): 2014, 2016

Зборная Партугаліі:

• Чэмпіён Еўропы: 2016

Крыніцы

1. Pepe // Transfermarkt — 2000. Праверана 9 кастрычніка 2017.

   <a href='https://wikidata.org/wiki/Track:Q2449070'></a>
2. Képler Laveran Lima Ferreira // As — Madrid: PRISA, 1967. — ISSN 1888-6671

   <a href='https://wikidata.org/wiki/Track:Q2807'></a><a href='https://wikidata.org/wiki/Track:Q1466106'></a><a href='https://wikidata.org/wiki/Track:Q719880'></a>
3. Пепе подписал контракт с «Бешикташем». by.tribuna.com.
4. «Бешикташ» подтвердил уход Пепе. by.tribuna.com.
5. Пепе подписал контракт с «Порту» до 2021 года. by.tribuna.com.

Спасылкі

• На Вікісховішчы ёсць медыяфайлы па тэме Пепэ