Пад’ёмная сіла

Пад'ёмная сіла — складнік аэрадынамічнай сілы, перпендыкулярны вектару хуткасці руху цела ў патоку газу або вадкасці, у адрозненне ад паралельнага складніка — аэрадынамічнага супраціву. Пад'ёмная сіла ўзнікае з прычыны несіметрычнага абцяканння цела патокам. Згодна з законам Бернулі, статычны ціск асяроддзя ў тых месцах, дзе хуткасць патоку вышэй, будзе ніжэй, і наадварот. Гэтая розніца ціскаў і спараджае пад'ёмную сілу.

аэрадынамічныя сілы, якія дзейнічаюць на крыло самалёта: 1 - цяга; 2 - лабавы супраціў; 3 - пад'ёмная сіла; 4 - вага

Поўная аэрадынамічная сіла - гэта інтэграл ад ціску вакол контуру крыла.

${\displaystyle \mathbf {Y} +\mathbf {P} =\oint \limits _{\partial \Omega }p\mathbf {n} \;d\partial \Omega }$

дзе:

• Y — пад'ёмная сіла 
• P — цяга,
• dɗΩ — мяжа профілю,

• p — ціск, 
• n — нармаль да профілю
  

Па тэарэме Жукоўскага, велічыня пад'ёмнай сілы прапарцыйна шчыльнасці асяроддзя, хуткасці патоку і цыркуляцыі хуткасці патоку.

Каэфіцыент пад'ёмнай сілы

Каэфіцыент пад'ёмнай сілы - бязмерная велічыня, якая характарызуе пад'ёмную сілу крыла пэўнага профілю пры вядомым вугле атакі. Каэфіцыент вызначаецца эксперыментальна ў аэрадынамічнай трубе, або па тэарэме Жукоўскага. Формулу разліку пад'ёмнай сілы праз каэфіцыент распрацавалі браты Райт і Джон Смітан ў пачатку XX стагоддзя. Формула мае выгляд:

${\displaystyle Y=C_{y}{\frac {\rho V^{2}}{2}}S\,}$

• Y - пад'ёмная сіла (Н) 
• C y - каэфіцыент пад'ёмнай сілы 
• ρ - шчыльнасць паветра (кг/м³) 
• V - хуткасць набягаючага патоку (м / с) 
• S - характэрная плошча (м²)
  

Спасылкі

• Пад’ёмная сіла (руск.)