Народна-вызваленчы рух Судана–Поўнач ( араб. حركة الشعبية لتحرير السودان-الشمال) — палітычная партыя і баявая арганізацыя ў Рэспубліцы Судан, якая базуецца ў штатах Блакітны Ніл і Паўднёвы Кардафан. На 2017 год фактычна распалася на дзве варагуючыя фракцыі.
| Народна-вызваленчы рух Судана–Поўнач | |
|---|---|
| Дата заснавання | 2011 |
| Краіна | |
| Ідэалогія | New Sudan |
| Сайт | splmnsudan.net |
Групоўка заснавана асобнымі прадстаўнікамі Народна-вызваленчага руху[1]. Арганізацыя разгарнула ўзброеную барацьбу з цэнтральнай уладай[2]. Баевікі распаўсюдзілі сваю дзейнасць на штаты Блакітны Ніл[3] і Паўднёвы Кардафан[4].
У сярэдзіне 2017 года групоўка раскалолася. Адзін лагер узначаліў Абдэлазіз аль-Хілу, а іншы — Малік Агар. Першы настойваў на стварэнні свецкай дзяржавы і перамовы з урадам аль-Башыра, на што Агар не пагаджаўся[5].
У 2020 годзе, ужо пасля звяржэння Башыра і ўсталяванні новага ўрада, фракцыі Агара і Хілу падпісалі ўсёабдымнае мірнае пагадненне з пераходным урадам. Паводле дамовы, яны абавязаліся ўдзельнічаць у пераходзе да дэмакратыі ў Судане мірнымі сродкамі[6][7].
З пачаткам канфлікту 2023 года арганізацыя заклікала да перамоваў і спынення агню, а некаторыя лідары папярэдзілі аб магчымым другім падзеле Судана[8].
Агар падтрымаў генерала Абдэля Бурхана і быў прызначаны намеснікам старшыні Пераходнага суверэннага савета Судана[9].
У сваю чаргу аль-Хіла стаў саюзнікам Сіл аператыўнай падтрымкі[10]. Саюз фракцый быў неафіцыйным[11].
Партыя, як афіцыйна заяўлялася яе прадстаўнікамі, «імкнецца змяніць палітыку цэнтра ў Хартуме і пабудаваць новы цэнтр на карысць усіх суданцаў, незалежна ад іх рэлігіі, полу або этнічнай прыналежнасці»[12].
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
