Мікалай Паўлавіч Васкрасенскі

Мікалай Паўлавіч Васкрасенскі (13 верасня 1836^[1] — ?) — грамадзянскі інжынер^[1], архітэктар.

Мікалай Паўлавіч Васкрасенскі
Дата нараджэння	13 верасня 1836(1836-09-13)
Дата смерці	невядома
Альма-матар	Пецярбургскае будаўнічае вучылішча (1855)

У Вікіпедыі ёсць артыкулы пра іншых людзей з прозвішчам Васкрасенскі.

Біяграфія

Адукацыя

Нарадзіўся ў 1836 годзе. Першапачатковую адукацыю атрымаў у бацькоўскім доме. Потым вучыўся ў Пецярбургскім будаўнічым вучылішчы з 1849 па 1855 год^[1]. Выпушчаны з чынам XII класа і званнем архітэктарскага памочніка^[1].

Прафесійная дзейнасць

Прызначаны вытворцам прац у віцебскую губернскую будаўнічую і дарожную камісію, а потым — начальнікам штучнага стала (з 1862)^[1]. У час службы тут М. Высоцкі быў ганараваны званнем архітэктара^[1].

За пераўтварэннем камісій у 1865 годзе пакінуты па-за штатам, а потым быў на пасадах: малодшы архітэктар будаўнічага аддзялення вяцкага губернскага праўлення (з 1867), на той самай пасадзе па Віцебскай губерні (з лютага 1868), полацкага епархіяльнага архітэктара (са жніўня 1873), губернскага архітэктара ў Сімбірску (з 1876) і, урэшце, з сакавіка 1885 года і прынамсі да 1892 года, — сімбірскім губернскім інжынерам^[1].

Некаторы час (1880-85) быў архітэктарам пры Сімбірскім кадэцкім корпусе  (руск.)^[1].

Сям'я

Быў жанаты, меў прынамсі двух дзяцей: дачку і сына^[2].

Творчасць

• у 1855-68 гадах у Віцебску і Віцебскай губерні^[1]:
  • Мураваны будынак гасцінага двара
  • Рымска-каталіцкая царква ў Бешанковічах Лепельскага павета
  • Двухпавярховы мураваны будынак архіва пры рымска-каталіцкай духоўнай кансісторыі
  • Мураваная трохпавярховая прыбудова да будынка губернатарскага дома
  • Два драўляных будынка для гауптвахты са службамі пры гарадскіх казармах
  • Драўляны будынак пажарнай часці
  • Мураваныя бані пры турме ў Дрысе
  • Драўляны будынак службы пры багаўгодных установах
  • Парахавы пограб для 2-га рэзервнага батальёна
  • Мураваная царква ў с. Вялеткавічы Віцебскага павета
  • Мураваная Багаслоўская царква^[3]
• у 1868-73 гадах^[1]:
  • Нязначныя пабудовы ў розных месцах
• у 1873-92 гадах у Сімбірску і Сімбірскай губерні^[1]:
  • Мураваны дом для агульнай трапезнай, келій і службаў пры Спаскім жаночым манастыры
  • Даходны двухпавярховы мураваны дом пры тым самым манастыры
  • Мураваная капліца
  • Перабудова будынка жаночага епархіяльнага вучылішча
  • Уладкаванне дрэнажа пры будынку духоўнай семінарыі
  • Гаспадарчыя пабудовы пры турэмным замку
  • Каналізацыя пры будынках кадэцкага корпуса  (руск.)
  • Мураваныя прыбудовы^[1]:
    • Да будынка духоўнай кансісторыі
    • Да будынка рабочага папраўчага дома
    • Да будынка аддзялення дзяржаўнага банка ў Сімбірску

Зноскі

1. Барановский Г. В. Юбилейный сборник сведений о деятельности бывших воспитанников Института гражданских инженеров (Строительного училища) 1842—1892 с. 68 (руск.)
2. Памятная книжка Витебской губернии на 1864 год. с. 291 (руск.)
3. Церковь Иоанна Богослова (руск.)

Спасылкі

• Барановский Г. В. Юбилейный сборник сведений о деятельности бывших воспитанников Института гражданских инженеров (Строительного училища) 1842—1892 с. 68 (руск.)