Міхаіл (Ермакоў)

Епіскап Міхаіл (свецкае імя: Васіль Фёдаравіч Ермакоў; 12 жніўня 1862, Санкт-Пецярбург — 30 сакавіка 1929, Кіеў) — праваслаўны дзеяч, архіепіскап.

Міхаіл (Ермакоў)
Адукацыя	Кіеўскае рэальнае вучылішча[d] Кіеўская духоўная семінарыя Кіеўская духоўная акадэмія
Дзейнасць	святар
Месца працы	Кіеўская духоўная семінарыя Арлоўская духоўная семінарыя[d] Магілёўская духоўная семінарыя Валынская духоўная семінарыя[d]
Імя пры нараджэнні	Васіль Фёдаравіч Ермакоў
Нараджэнне	12 жніўня 1855(1855-08-12) Санкт-Пецярбург, Расійская імперыя
Смерць	30 сакавіка 1929(1929-03-30) (73 гады) Кіеў, УССР, СССР
Пахаванне	Сафійскі сабор
Медыяфайлы на Вікісховішчы

Біяграфія

Скончыў Кіеўскае рэальнае вучылішча (1881), Кіеўскую духоўную семінарыю (1883), Кіеўскую духоўную акадэмію са ступенню кандыдата багаслоўя (1887). 19 чэрвеня 1887 года пастрыжаны ў манаства з імем Міхаіл, пазней — рукапаложаны ў іерадыякана і іераманаха. У 1887—1888 гадах выкладчык Свяшчэннага Пісання Кіеўскай духоўнай семінарыі. Са снежня 1888 года па 1890 год інспектар Арлоўскай духоўнай семінарыі. У 1890 годзе прызначаны в.а. інспектара (з 1891 года інспектар) Санкт-Пецярбургскай духоўнай акадэміі. Узведзены ў сан архімандрыта ў 1891 годзе.

У студзені—кастрычніку 1893 года — рэктар Магілёўскай духоўнай семінарыі, з кастрычніка 1893 года па 1898 год — рэктар Валынскай духоўнай семінарыі. 31 студзеня 1899 года рукапаложаны ў епіскапа Ноўгарад-Северскага, вікарыя Чарнігаўскай епархіі. У 1899—1903 гадах епіскап Ковенскі, вікарый Літоўскай епархіі, у 1903—1905 гадах — епіскап Омскі і Сяміпалацінскі. 9 снежня 1905 года пераведзены на пасаду епіскапа Гродзенскага і Брэсцкага (з 1912 года — архіепіскап Гродзенскі і Брэсцкі).

У 1915 годзе разам з клірам Гродзенскай епархіі эвакуіраваўся ў Расію, пражываў у Маскве. Удзельнік Усерасійскага Памеснага сабора 1917—1918 гадоў. У маі 1921 года прызначаны патрыярхам Ціханам Экзархам ва Украіне з узвядзеннем у сан мітрапаліта. Актыўна выступаў супраць пашырэння абнаўленцтва на Украіне.

Арыштаваны 5 лютага 1923 года. Асуджаны Камісіяй НКУС УССР на 2 гады ссылкі ў Сярэднюю Азію. Вызвалены ў 1925 годзе, пераехаў у Маскву. Паўторна арыштаваны ў 1926 годзе, паводле прысуду высланы на Паўночны Каўказ. У верасні 1927 года вярнуўся з ссылкі, быў членам Часовага Патрыяршага Сінода. Памёр у Кіеўскім Свята-Міхайлаўскім манастыры^[1].

Зноскі

1. Сінодзік пацярпелых за веру і Царкву Хрыстовую у Гродзенскай епархіі (ХХ стагоддзе) (нявызн.)(недаступная спасылка). Архівавана з першакрыніцы 13 чэрвеня 2018. Праверана 3 лютага 2020.

Літаратура

• Преосвященный Михаил, Епископ Гродненский и Брестский // Гродненские епархиальные ведомости. 1905. № 51-52. С. 1343—1345.
• Черепица, В. Н. Архиепископ Гродненский Михаил Ермаков (1862—1929): новые штрихи к биографии // Гродна і гродзенцы: дзевяць стагоддзяў гісторыі (да 880-годдзя горада). Гродна. 2008. С. 395—406.