Міхаіл Міхайлавіч Рудкоўскі

Міхаіл (Міхась) Міхайлавіч Рудкоўскі (17 красавіка 1936, в. Востраў Ганцавіцкага раёна — 7 ліпеня 1991) — беларускі паэт і перакладчык.

Міхаіл Міхайлавіч Рудкоўскі
Асабістыя звесткі
Дата нараджэння	17 красавіка 1936(1936-04-17)
Месца нараджэння	Востраў, Q9270721?, Лунінецкі павет, Палескае ваяводства, Польская Рэспубліка
Дата смерці	7 ліпеня 1991(1991-07-07) (55 гадоў)
Пахаванне	Востраў
Грамадзянства	БССР
Альма-матар	Пінскае педагагічнае вучылішча імя А. С. Пушкіна (1955) Брэсцкі дзяржаўны ўніверсітэт імя А. С. Пушкіна (1961)
Месца працы	Савецкае Палессе[d]
Прафесійная дзейнасць
Род дзейнасці	перакладчык, паэт
Мова твораў	беларуская
Грамадская дзейнасць
Член у	Саюз пісьменнікаў СССР Саюз беларускіх пісьменнікаў

У Вікіпедыі ёсць артыкулы пра іншых асоб з прозвішчам Рудкоўскі.

Біяграфія

Нарадзіўся 17 красавіка 1936 года ў в. Востраў Лунінецкага павета Палескага ваяводства Польскай Рэспублікі ў сялянскай сям’і.

Скончыў Пінскае педагагічнае вучылішча (1955), настаўнічаў у Кукаўскай сямігодцы Ганцавіцкага раёна. У 1960—1962 гадах — літсупрацоўнік ганцавіцкай раённай газеты «Сялянская праўда». Скончыў завочна філалагічны факультэт Брэсцкага педагагічнага інстытута імя А. С. Пушкіна (1961). У 1962—1981 гадах працаваў старшым рэдактарам літаратурна-драматычных і музычных праграм Брэсцкай студыі тэлебачання.

Член Саюза пісьменнікаў Беларусі з 1966 года^[1].

Памёр 7 ліпеня 1991 года. Пахаваны на могілках в. Востраў Ганцавіцкага раёна^[1].

Творчасць

У рэспубліканскім друку выступаў з вершамі з 1959 года. Аўтар зборнікаў вершаў. Таксама вядомы як перакладчык з украінскай, рускай і польскай моў.

Зборнікі вершаў

• «Першыя вёрсты» (1963)^[2]
• «Сінія Брады» (1967)^[3]
• «Позвы» (1971)^[4]
• «У краі тым…» (1975)
• «Векавечная бацькаўшчына» (1976)^[5]
• «Трыгор’е» (1981)
• «Засцярога» (1984)^[6]
• «Залатазвон» (1986)
• «Гарынь» (1992)

Памяць

Імя паэта прысвоена Астроўскай сярэдняй школе.

Да святкавання 80-гадавіны нараджэння паэта на сайце Ганцавіцкага раённага краязнаўча музея арганізавана віртуальная выстаўка «Міхась Рудкоўскі: „Не вечны чалавек, яго ж памкненні — вечныя!“»^[7].

Зноскі

1. Раманаў — Станкевіч – Белліт  (бел.) (14 ліпеня 2023). Праверана 14 чэрвеня 2024.
2. «Першыя вёрсты» на gants-region.info
3. «Сінія Брады» на gants-region.info
4. «Позвы» на gants-region.info
5. «Векавечная бацькаўшчына» на gants-region.info
6. «Засцярога» на gants-region.info
7. «Міхась Рудкоўскі: „Не вечны чалавек, яго ж памкненні — вечныя!“» Архівавана 4 верасня 2016. на gantsevichi.museum.by

Спасылкі

• Зборнікі вершаў М. Рудкоўскага на gants-region.info
• Выстаўка «Міхась Рудкоўскі: „Не вечны чалавек, яго ж памкненні — вечныя!“» Архівавана 4 верасня 2016. на gantsevichi.museum.by