Мінск-Арэна

«Мінск-Арэна» (поўная назва — «Шматпрофільны культурна-спартыўны комплекс „Мінск-Арэна“») — спартова-забаўляльны комплекс у горадзе Мінск, Беларусь. Складаецца з трох аб’ектаў: шматфункцыянальнай спартова-відовішчнай арэны ёмістасцю 15000 гледачоў, канькабежнага стадыёна і веладрома.

Паштовая марка Беларусі

Мінск-Арэна
Поўная назва	Спартыўны комплекс «Мінск — арэна»
Месцазнаходжанне	Мінск
Закладзены	2006
Пабудаваны	2009
Адкрыты	30 студзеня 2010
Кошт узвядзення	350 млн $[крыніца?]
Хатняя каманда	ХК «Дынама» (КХЛ) Цмокі-Мінск (Адзіная ліга ВТБ)
Умяшчальнасць	15 086
Памеры поля	30x61 м
Сайт	minskarena.by
Медыяфайлы на Вікісховішчы

Комплекс спраектаваны ў 2006—2008 гадах аўтарскім калектывам «Белдзяржпраекта», у які ўваходзілі Анатоль Нічкасаў (кіраўнік аўтарскага калектыва), Валерый Куцко (ГАП комплексу), Уладзімір Будаеў (ГАП веладрома), Аляксандр Ніціеўскі (ГАП канькабежнага стадыёна), Анатоль Шабалін, які курыраваў, у першую чаргу, пытанні ўзаемадзеяння ўдзельнікаў дэкаратыўнага афармлення аб’екта, Віктар Нікіцін, які садзейнічаў неабходным узгадненням у поўным аб’ёме і сціснутыя тэрміны, і галоўны канструктар праекта Сяргей Беразоўскі. Пабудаваны ў 2007—2009 гадах, генеральным падрадчыкам выступіў «Мінскпрамбуд». Увод аб’екта ў эксплуатацыю адбыўся ў 2009 годзе^[1].

Афіцыйнае адкрыццё галоўнай арэны адбылося 30 студзеня 2010 года. «Мінск-Арэна» з’яўляецца хатняй пляцоўкай для хакейнага клуба «Дынама» (Мінск), які выступае ў Кантынентальнай хакейнай лізе. На момант адкрыцця гэта была самая вялікая хатняя арэна сярод усіх каманд КХЛ і чацвёртая па ёмістасці сярод хакейных арэн Еўропы (першыя тры — у Кёльне, Празе і Берне). У 2014 годзе «Мінск-Арэна» прымала матчы чэмпіянату свету па хакеі з шайбай.

Архітэктура

МКСК «Мінск-арэна» складаецца з чатырох аб’ёмаў: шматфункцыянальнай спартыўна-відовішчнай арэны на 15 000 гледачоў, канькабежнага стадыёна ўмяшчальнасцю 3000 чалавек, веладрома, разлічанага на 2000 наведвальнікаў, і адкрытай шматузроўневай стаянкі на 1080 машына-месцаў. Кампазіцыя шматфункцыянальнага комплексу пабудавана на спалучэнні цыліндрычнага аб’ёму арэны і дыяганальна размешчаных у адносінах да ўчастку канькабежнага стадыёна і веладрома^[1].

Кіраўніцтва

• Аляксей Львовіч Пракаповіч, генеральны дырэктар
• Ганна Аляксандраўна Куксар, намеснік генеральнага дырэктара па фінансава-эканамічных пытаннях
• Павел Валер’евіч Нямковіч, намеснік генеральнага дырэктара па бяспецы, рэжыме і кадрах
• Галіна Васільеўна Забур’янава, намеснік генеральнага дырэктара — дырэктар спартыўна-культурнага збудавання «Арэна»
• Раман Рамановіч Янушкевіч, намеснік генеральнага дырэктара — дырэктар спартыўнага збудавання «Канькабежны стадыён»
• Юлія Сяргееўна Часнойць, намеснік генеральнага дырэктара — дырэктар спартыўнага збудавання «Веладром»
• Сяргей Уладзіміравіч Сасім, намеснік генеральнага дырэктара па эксплуатацыі — галоўны інжынер
• Вольга Міхайлаўна Серабкова, намеснік генеральнага дырэктара па арганізацыі грамадскага харчавання — начальнік упраўлення

Зноскі

1. МИНСК-АРЕНА — лучшая в КХЛ

Спасылкі

• Афіцыйны сайт МКСК «Мінск-арэна» Архівавана 26 верасня 2011.
• Афіцыйны сайт веладрома МКСК «Мінск-арэна» Архівавана 26 студзеня 2010.
• «Мінск-арэна» на афіцыйным сайце Чэмпіянату свету па хакеі 2014 года Архівавана 12 мая 2009.
• Віртуальная панарама МКСК «Мінск-арэна» Архівавана 13 лютага 2011.
• Віртуальная панарама лёдавага трэка «Мінск-арэны» Архівавана 18 студзеня 2012.
• Віртуальная панарама велатрэка «Мінск-арэны»(недаступная спасылка)
• «Мінск-Арэна» на сайце «Накочванню» Архівавана 17 студзеня 2012.
• Лёдавыя палацы банкрутуюцца адзін за адным(недаступная спасылка)
• Мінск-арэна плян залу і фотаздымкі арэны Архівавана 7 студзеня 2014. (руск.)