Макар Цімафеевіч Кудрын

Макар Цімафеевіч Кудрын (нар. 1 лютага 1914, Смаленск — 7 верасня 1962) — беларускі хірург. Заслужаны ўрач БССР (1961).

Макар Цімафеевіч Кудрын
Род дзейнасці	хірург, урач, галоўны ўрач, медыцынскі адміністратар
Дата нараджэння	1 лютага 1914(1914-02-01)
Месца нараджэння	Смаленск, Смаленская губерня, Расійская імперыя
Дата смерці	7 верасня 1962(1962-09-07) (48 гадоў)
Грамадзянства	БССР
Альма-матар	Смаленскі дзяржаўны медыцынскі ўніверсітэт[d]
Узнагароды і прэміі

У паняцця ёсць і іншыя значэнні, гл. Кудрын.

Біяграфія

У 1939 годзе скончыў Смаленскі медінстытут. Працаваў галоўным урачом Сафонаўскай раённай бальніцы Смаленскай вобласці.

У гады Вялікай Айчыннай вайны на Ленінградскім фронце выконваў абавязкі ўрача-хірурга, выратаваў сотні савецкіх салдат і афіцэраў. Узнагароджаны двума ордэнамі Чырвонай Зоркі, медалямі «За баявыя заслугі», «За абарону Ленінграда».

Пасля заканчэння вайны два гады служыў ваенным лекарам на Далёкім Усходзе. З пачатку 1948 года да верасеня 1962 года жыў і працаваў у Баранавічах. У першыя пасляваенныя гады быў галоўным урачом Баранавіцкай абласной бальніцы. Кудрын прапанаваў новы метад лячэння плеўрытаў, абсцэсаў лёгкіх метадам пункцыі, рабіў складаныя аперацыі на чэрапе, аперацыі грудной клеткі. Ужо ў пачатку 1950-х гадоў ужываў новы метад лячэння пераломаў. Праводзіў аперацыі ў гарадской і абласной бальніцах. Дзясяткі аперацый былі зробленыя ім і ў раённых бальніцах. Заўсёды ехаў у раёны, калі патрэбна была дапамога.

У 1947 годзе галоўны ўрач Бярозаўскай раённай бальніцы Брэсцкай вобласці. З 1948 года галоўны ўрач і вядучы хірург Баранавіцкай цэнтральнай гарадской бальніцы. Кіраваў працоўнай практыкай студэнтаў Мінскага медыцынскага інстытута, выкладаў курс хірургіі ў Баранавіцкім медыцынскім вучылішчы^[1].

У 1949 годзе ўзнагароджаны значком «Выдатнік аховы здароўя».

14 лютага 1961 года атрымаў званне Заслужаны ўрач БССР^[2].

Памяць

У 1978 годзе імем Кудрына назва вуліца ў Баранавічах і з’явілася мемарыяльная дошка^[3].

Зноскі

1. Макар Цімафеевіч Кудрын, ДУК «Цэнтралізаваная бібліятэчная сістэма г. Баранавічы».
2. Кудрын Макар Цімафеевіч, Бессмяротны полк. Збарская Ганна Андрэеўна. 8.05.2020
3. Мемарыяльныя дошкі Вялікай Айчыннай вайны ў г. Баранавічы Архівавана 24 сакавіка 2020.