Ліз Асіа (фр.: Lys Assia, сапр. імя Роза-Міна Шэрэр, ням.: Rosa Mina Schärer; 3 сакавіка 1924, Руперсвіль -24 сакавіка 2018) — швейцарская спявачка, пераможца першага конкурсу песні Еўрабачанне.
Ліз Асіа | |
---|---|
фр.: Lys Assia | |
![]() | |
Імя пры нараджэнні | ням.: Rosa Mina Schärer |
Род дзейнасці | актрыса, спявачка, танцоўшчыца |
Дата нараджэння | 3 сакавіка 1924[1][2] |
Месца нараджэння | |
Дата смерці | 24 сакавіка 2018[4] (94 гады) |
Месца смерці | |
Грамадзянства | |
Узнагароды і прэміі | |
Сайт | lys-assia.de |
![]() |
Сцэнічную кар’еру пачынала як танцорка, з 1940 года пачала выступаць і як спявачка. Пасля заканчэння Другой сусветнай вайны правяла свае першыя замежныя гастролі ў Парыжы.
Выступаючы на першым конкурсе Еўрабачанне, выканала дзве песні — «Das alte Karussell» і «Refrain», апошняя з якіх стала пераможцам. У гэтым жа годзе ўдзельнічала ў заходнегерманскім адборачным конкурсе да Еўрабачання, але не дамаглася поспеху.
Прэзентавала Швейцарыю на двух наступных конкурсах, заняўшы ў 1957 годзе 8-е месца з песняй «L’enfant que j'étais», а ў 1958 годзе — 2-е месца з песняй «Giorgio», выкананай на італьянскай мове. Адной з найбольш папулярных песень у яе выкананні быў шлягер «Oh, mein Papa».
У 1963 годзе выйшла замуж за датчаніна О. Педэрсена, уладальніка некалькіх гатэляў, дапамагала весці справы. Пасля яго смерці ў 1995 годзе зноў вярнулася на сцэну. У 2007 годзе перамагла ў швейцарскім конкурсе Grand Prix der Volksmusik, выступаючы ў дуэце са спявачкай Беатрыс, пасля чаго, выступаючы ў міжнародным фінале дадзенага конкурсу, які праходзіў у Вене, яны занялі 12-е месца.
У 2011 годзе зноў удзельнічала ў нацыянальным адборачным туры конкурсу Еўрабачанне, у якім дайшла да фіналу, які прайшоў у камуне Кройцлінген, заняла 8-е месца. Апошнія гады пражывала ў французскім горадзе Каны.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.