Remove ads
Каралеўскае геаграфічнае таварыства — англійскае навуковае таварыства, заснаванае ў 1830 годзе пад назвай Геаграфічнае таварыства Лондана (Geographical Society of London) для развіцця геаграфічнай навукі пад заступніцтвам караля Вільгельма IV. Яно паглынула «Асацыяцыю па прасоўванні адкрыцця ўнутраных абласцей Афрыкі» (Association for Promoting the Discovery of the Interior Parts of Africa), таксама вядомую як Афрыканская асацыяцыя (African Association) (заснавана сэрам Джозефам Банксам у 1788 годзе), Клуб Ролі (Raleigh Club) і палесцінскую асацыяцыю (Palestine Association). Таварыства атрымала каралеўскія прывілеі ад каралевы Вікторыі ў 1859 годзе.
| Заснавана | 1830 |
|---|---|
| Абрэвіятура | RGS-IBG |
| Заступнік | Елізавета II |
| Прэзідэнт | Сэр Гордан Конвэй |
| Месцазнаходжанне | Кенсінгтон, Лондан, Вялікабрытанія |
| Колькасць членаў | 15,000 |
| Вэб-сайт | RGS IBG homepage |
Remove ads
Заснавальнікамі таварыства з’яўляліся Сэр Джон Бараў, Сэр Джон Франклін і Фрэнсіс Бафорт. Таварыства актыўна спрыяла і падтрымлівала мноства вядомых даследчыкаў і падарожнікаў:
- Чарлз Дарвін
- Джэймс Кінгстан Такі
- Давід Лівінгстан
- Уільям Огілві
- Роберт Фалкан Скот
- Рычард Фрэнсіс Бёртан
- Джон Хенінг Спік
- Джордж Хэйвард
- Генры Мортан Стэнлі
- Фрэдэрык Джордж Джэксан
- Эрнэст Генры Шеклтан
- Сэр Эдмунд Хілары
З сярэдзіны 19-га стагоддзя да сярэдзіны Першай сусветнай вайны экспедыцыі, якія спансавала Каралеўскае геаграфічнае таварыства, часта траплялі на вокладкі газет.
У 1933 годзе частка членаў таварыства пакінула шэрагі, каб заснаваць арганізацыю пад назвай Інстытут брытанскіх географаў (Institute of British Geographers). Каралеўскае геаграфічнае таварыства і Інстытут брытанскіх географаў суіснавалі на працягу 60 гадоў, да 1994 года, калі пачалася дыскусія аб аб’яднанні. У студзені 1995 года адбылося зліццё, і новая арганізацыя атрымала назву Каралеўскае геаграфічнае таварыства (сумесна з Інстытутам брытанскіх географаў). Сёння таварыства з’яўляецца галоўным сусветным цэнтрам геаграфічных даследаванняў, якія падтрымліваюць адукацыю, навучанне, даследаванні і навуковыя экспедыцыі. Таксама вядзецца прасоўванне і папулярызацыя геаграфіі ў грамадстве. Галоўныя офісы таварыства размешчаны ў Лоўтар Лодж (Кенсінгтан, Лондан).
Remove ads
- Mill, H.R. (1930) The record of the Royal Geographical Society, 1830—1930, London : Royal Geographical Society, 288 p.
- Royal Geographical Society (2005) To the ends of the Earth : visions of a changing world : 175 years of exploration and photography, London : Bloomsbury, ISBN 0-7475-8138-X
- Winser, S. (Ed.) (2004) Royal Geographical Society with the Institute of British Geographers expedition handbook, New ed., London : Profile, ISBN 1-86197-044-7
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads