Курыльскі чай кустовы

Курыльскі чай кустовы, Дуброўка кустарнікавая^[3] (Dasiphora fruticosa) — від кветкавых раслін сямейства Ружавыя (Rosaceae)

Курыльскі чай кустовы
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя[1] Клас:  Двухдольныя[2] Парадак:  Ружакветныя Сямейства:  Ружавыя Падсямейства:  Rosoideae Трыба:  Potentilleae Падтрыба:  Fragariinae Род:  Курыльскі чай Від:  Курыльскі чай кустовы
Міжнародная навуковая назва
Dasiphora fruticosa
Сінонімы
Potentilla fruticosa
Сістэматыка на Віківідах Выявы на Вікісховішчы ITIS   836659 NCBI   32239 IPNI   724590-1 TPL   ???

Распаўсюджанне

Дуброўка кустарнікавая распаўсюджана ў Еўропе, Паўночнай Азіі і Паўночнай Амерыцы. Расце на поймавых лугах, сярод хмызняковых зараснікаў, па берагах вадаёмаў.

Апісанне

Хмызняковая шматгадовая расліна. Дасягае вышынёй да 1,5 м. Лісце складанае, пёрыстае, складаецца з 5-7 даўгаватых лісточкаў, якія размешчаны ў выглядзе веера і пакрытыя мяккім, густым ворсам. Сцёблы галінастыя, у маладым узросце пакрытыя лямцавым апушэннем, у сталым — карой чырвона-карычневага або бурага адцення. Кветкі ярка-жоўтыя, да 3 см у дыяметры. Яны адзінкавыя або сабраны ў суквецці. Тычынак каля 30. Цвіценне пачынаецца ў сярэдзіне лета, а паспяванне пладоў — у асноўным у канцы жніўня-верасні. Плады — сухія арэшкі невялікіх памераў, пакрытыя тонкімі валасінкамі.

Зноскі

1. Ужываецца таксама назва Пакрытанасенныя.
2. Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
3. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 104. — 160 с. — 2 350 экз. — у крыніцы пад назвай Potentilla fruticosa

Спасылкі

• Auf der Verbreitung Nordhalbkugel nach: Eric Hultén, Magnus Fries: Atlas of North European vascular plants 1986, ISBN 3-87429-263-0
• Thomas Meyer: Datenblatt mit Bestimmungsschlüssel und Fotos bei Flora-de: Flora von Deutschland (alter Name der Сайт: Blumen in Schwaben).