Крывасмокавая металавідка (Diachrysia zosimi) — матыль сямейства совак.
Хуткія факты Навуковая класіфікацыя, Міжнародная навуковая назва ...
| Крывасмокавая металавідка |
 |
| Навуковая класіфікацыя |
|---|
прамежныя рангі
| Надатрад: | Насякомыя з поўным метамарфозам |
| Від: | Крывасмокавая металавідка |
|
| Міжнародная навуковая назва |
|---|
|
Diachrysia zosimi Hübner, 1822
|
| Сінонімы |
|---|
- Noctua zosimi
- Plusia zosimi
- Phytometra zosimi
|
|
Закрыць
Сярэдніх памераў соўка, даўжыня пярэдняга крыла 16-19 мм. Галава жаўтлява-шэрая, грудзі шэрая з зеленаватым адценнем, брушка жаўтлява-шэрае з карычневымі пучкамі валасінак на 2-м і 3-м сегментах. Асноўны фон пярэдніх крылаў медна-зялёны, з блакітнаватым адценнем і моцным металічным адлівам. Пярэдні і знешні краі шэрыя з ружавата-жоўтым адценнем. Папярочныя палосы светла-бурыя, выяўленыя вельмі слаба. Бліжэй да пярэдняга краю размяшчаюцца 3 светла-бурых плямы, ачэрчаныя цёмна-бурым. Заднія крылы светла-бурыя з лёгкім зацямненнем па краі, такі ж хвалістай тонкай паласой бліжэй да цэнтра і светлымі махрамі.
Пашырана ад Заходняй Еўропы (выключаючы паўднёва-захад, захад і поўнач) па ўсёй Палеарктыцы; На Беларусі вядомыя толькі адзінкавыя знаходкі. Насяляе сырыя лугі і ўзлескі, разрэджаныя ўчасткі старых лясоў.
Лёт адбываецца ў чэрвені-жніўні, верагодна адно пакаленне. Матылі актыўныя ў змрок і ноччу, лётаюць над квітнеючай расліннасцю. Вусені развіваюцца з ліпеня да зімоўкі, а затым да мая на крывасмоку, радзей на іншых травяністых раслінах (пераважна ружакветных). Акукленне адбываецца ў рыхлым белым кокане сярод лісця кармавй расліны.
Від уключаны ў Чырвоную кнігу Беларусі, Чырвоную кнігу Літвы.
