Коматава

Ко́матава^[1] (трансліт.: Komatava, руск.: Комотово) — вёска ў Гродзенскім раёне Гродзенскай вобласці. Уваходзіць у склад Абухаўскага сельсавета.

Вёска Коматава Краіна Беларусь Вобласць Гродзенская Раён Гродзенскі Сельсавет Абухаўскі Каардынаты 53°34′31″ пн. ш. 24°02′08″ у. д.HGЯO Насельніцтва ▼46 чал. (2009) Часавы пояс UTC+3 Тэлефонны код +375 15 Аўтамабільны код 4 Коматава на карце Беларусі ±

Коматава на Вікісховішчы

Назва

У балцка-літоўскім двухасноўным імені Комат (< Kómatas) першая аснова Ko- як у імені Комін (< Kominas), якое фіксуецца ў Перапісе вялікалітоўскага войска 1528 г. у форме імені па-бацьку “Янъ Коминович”. Другая аснова Mat- як у двухасноўных імёнах Рамат, Скумат (< Ramatas, Skumatas), ад якіх тапонімы Раматова ля Маларыты, Скуматы (былі паміж Оршай і Смаленскам, ля Якіменкаў), таксама ў прускіх аднаасноўных імёнах Mateyco, Mattyl, Matto, Mattule.

Гісторыя

Магчыма, у канцы XIII ст. тут знаходзілася сядзіба судаўскага князя Команта, пра якую дакладна вядома адно, што была паблізу Горадна.

Згадваецца з 1388 года. З XVI ст. вядома царква Св. Спаса ў Коматаве^[2]. У 1844 годзе пабудавана Праабражэнская царква.

Летам 2009 г. «чорныя капацелі» разрабавалі побач з Коматава сярэдневяковыя могілкі.

Ваколіцы Коматава трапілі ў зону затаплення Гродзенскай ГЭС.

Славутасці

Святая Сям'я, абраз XVIII ст. з уніяцкай царквы ў Коматаве.

• Спаса-Праабражэнская царква (1844)
• Жылы дом (1930-я)

Вядомыя асобы

• Антон Сямёнавіч Будзіловіч, расійскі славіст і філолаг.

Зноскі

1. Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).
2. Палімпсест-2011. — С. 173.

Спасылкі

• На Вікісховішчы ёсць медыяфайлы па тэме Коматава
• Коматава на сайце Глобус Беларусі (руск.)