КальЯн

«КальЯн» — беларускі панк-гурт з Гродна.

КальЯн
Жанр	фолк-панк
Гады	1996-па сённяшні дзень
Краіна	Беларусь
Горад	Гродна
Мова песень	беларуская
Склад	Аляксандр «Міхалыч» Дзянісаў, Ілля «Ільябл», Кастусь «Кот», Лізавета, Аляксандр «Сыр»
Іншыя праекты	Dzieciuki, Людзі на балоце

Біяграфія

Гурт «КальЯн» створаны ў верасні 1996 года вакалістам Аляксандрам Дзянісавым і гітарыстам Змітром Антаневічам.^[1] У гэты перыяд былі запісаны 2 акустычныя і 2 электрычныя альбомы «У краіне цудаў» (выдадзены ў Польшчы сумесна з гуртом Deviation, 1997), «Б. Н.» (1999). У 1998 годзе музыкі ўзялі гран-пры на фестывалі «Басовішча». У 2000—2001 гадах каманда прыпыніла актыўную дзейнасць, яна знаходзілася ў стане паўраспаду. Музыкі спрабавалі ўдзельнічаць у шматлікіх праектах («С. М. Родин», «С. Р.К.» і іншых), аднак яны не ўвянчаліся поспехам. З красавіка 2001 года «КальЯн» у абноўленым складзе пачаў працаваць над новай праграмай, якая была запісана ў Гродна ў пачатку снежня 2001 («Ноўбадзі»).

У 2008 годзе гурт зняў два кліпа на песні «Барацьба» і «Радыёактыўны сьнег».^[1]

Апошняя на дадзены момант праца гурта мае назву «Антыпазітыў» (2011)^[2]. Зараз гурт адышоў ад фолк-панка і эксперыментуе з гукам, не змяняючы, аднак, сваёй сутнасці і тэкставай сацыяльнай скіраванасці.

Погляды

На працягу ўсяго часу існавання гурт не з’яўляўся прыхільнікам (а яе музыкі чальцамі) якой-небудзь партыі або афіцыйнага палітычнага руху. Асноўнай сацыяльнай праблемай сучаснага грамадства гурт «КальЯн» лічыць наяўнасць фізічнага і духоўна-маральнага гвалту над асобна ўзятым чалавекам з боку дзяржавы і яго інстытутаў улады, мульцінацыянальных карпарацый, тэлебачання, цэркваў, рэлігійных сектаў і г.д., пра што гурт і спявае.

Дыскаграфія

Альбомы

• У краіне цудаў (1997)
• Б.Н. (1999)
• Ноўбадзі (2001)
• Голая правда (2005)
• Антыпазітыў (2011)^[2]

Сінглы

• «Hate» (2005)

Удзел у зборніках

• «Сэрца Эўропы in rock» (2001) — «Przemoc»
• «Прэм’ер Тузін 2006» (2006) — «Радыёактыўны сьнег»

Удзельнікі

• Аляксандар «Міхалыч» Дзянісаў: вакал
• Ілля «Ільябл»: гітара, вакал
• Кастусь «Кот»: бас-гітара, бэк-вакал
• Лізавета: скрыпка, флейта
• Аляксандр «Сыр»: ударныя

Зноскі

1. АЛЕСЮ ДЗЯНІСАВУ — 39! (ВІДЭА) Архівавана 11 верасня 2016. / Tuzin.fm
2. Кальян «Антыпазітыў» (+аўдыё) / Experty.by

Спасылкі

• КальЯн на Last.fm
• КальЯн: Чудесное воскрешение группы // Музыкальная Газета, 2007 (руск.)
• Гурт «Кальян»: «Апалітычнасць — гэта такі хітрык, магчымасць адседзецца ў хмызах.» (+ mp3) / Будзьма беларусамі