Казак-2 (бронеаўтамабіль)

У паняцця ёсць і іншыя значэнні, гл. Казак.

Казак-2 (укр.: «Козак-2») — сямейства ўкраінскіх баявых браніраваных машын вытворчасці навукова-вытворчага аб’яднання «Практыка».

Казак-2
Медыяфайлы на Вікісховішчы

Гісторыя

Бронемашына была распрацавана на шасі грузавіка Iveco Eurocargo 150 E28^[1] пры садзейнічанні кампаніі IVECO. Упершыню прадстаўлена 30 лістапада 2014 на палігоне вучэбнага цэнтра Нацыянальнай гвардыі пад вёскай Наві Пэтрыўці ў Кіеўскай вобласці^[2][3].

3 лістапада 2016 года загадам Міністэрства абароны Украіны № 588 бронемашыны «Казак-2» былі афіцыйна дапушчаныя да эксплуатацыі ва Узброеных Сілах^[4].

Апісанне

Бронемашына мае звычайную кампаноўку з пярэднім размяшчэннем рухавіка, аддзяленнем кіравання ў сярэдняй частцы, у кармавой частцы размешчана дэсантнае аддзяленне.

Корпус зварны, выраблены са сталёвых бранявых лістоў, размешчаных пад вуглом (вытворчасці фінскай кампаніі Miilux^[5]). Браніраванне забяспечвае абарону ад агню з стралковай зброі ў адпаведнасці са стандартам STANAG 4569 Level 2^[6].

Грузападымальнасць узброенай бронемашыны складае 4 тоны^[6] (няўзброенай — 2,4 тоны)^[7]. Таксама «Казак-2» здольны буксіраваць прычэп масай 6 тон^[6].

Трансмісія механічная^[5]. На першы дэманстрацыйны ўзор быў усталяваны дызельны рухавік Iveco магутнасцю 250 к. с., аднак наступныя машыны выкарыстоўвалі турбадызель Iveco аб’ёмам 5,9 л і магутнасцю 279 к. с.^[6]

З узбраення на бронемашыну можа быць устаноўлена:

• 7,62 мм кулямёт ПКМС з боекамплектам 2500 патронаў;
• 12,7 мм буйнакаліберны кулямёт (НСВТ або КТ-12.7)^[8] з боекамплектам 450 або 500 патронаў;
• 30-мм аўтаматычны гранатамёт (АГС-17 або КБА-117^[9]) з боекамплектам 100 стрэлаў
• 40-мм аўтаматычны гранатамёт УАГ-40 з боекамплектам 87 стрэлаў

Варыянты і мадыфікацыі

• ББМ «Казак-2014» — перадсерыйны прататып, прадстаўлены ў 2014 годзе.
• ББМ «Казак 2» — перадсерыйная мадэль бронеаўтамабіля, прадстаўлена ў 2015 годзе.
• ББМ «Казак 2М.1» — серыйны тактычны бронеаўтамабіль з апорным браняваным корпусам і незалежнай пярэдняй падвескай, прадстаўлены ў 2016 годзе.
• ББМ «Казак 2М.2» — мадыфікацыя «Казак-2М.1», вонкава адрозніваецца адсутнасцю другой пары дзвярэй, прадстаўлена ў 2016 годзе.

• 
  ББМ «Казак-2014»
• 
  ББМ «Казак 2»
• 
  ББМ «Казак 2М.1»
• 
  ББМ «Казак 2М.2»

Крыніцы

1. National Guard of Ukraine will receive first batch of 22 Kozak-2 4x4 armoured personnel carrier Архівавана 12 чэрвеня 2015. // «Army Recognition» от 9 июня 2015
2. Аваков отчитался об успешном испытании украинско-итальянского броневика Архівавана 21 красавіка 2015. // «Взгляд. RU» от 30 ноября 2014
3. Аваков показал новые броневики для армии, над которыми сейчас работает, — фото Архівавана 11 ліпеня 2015. // iPress.UA от 30 ноября 2014
4. В. I. Кривий. Стан та перспективи виконання дослідно-конструкторських робіт з розроблення броньованих автомобілiв для потреб збройних сил України // Збірник тез доповідей науково-практичної конференції «Застосування сухопутних військ збройних сил України у конфліктах сучасності» 15 листопада 2018 р. Львів, НАСВ, 2018. стор.34-35
5. Practika launches production of second-generation evolution of its original KOZAK light armored vehicle // «Ukrainian Defense Review», № 3 (July — September) 2015. pages 16-19
6. Подробности о новом украинском броневике «Козак-2» Архівавана 27 чэрвеня 2015. // «AUTO-Consulting.UA» от 9 декабря 2014
7. Козацкий род "Практики". Лёгкий многофункциональный бронированный автомобиль "Козак-2" // "Defense Express", № 8-9, август - сентябрь 2015. стр.30-35
8. Сергій Воронков. «Козак-2» під час випробування «намотав на кардан» понад 10 000 кілометрів // газета «Народна армія» від 7 листопада 2016
9. «Гранатомет КБА-117 это не пехотный вариант, он предназначен для установки на боевой модуль бронетранспортеров и бронекатеров. Например, …может быть установлен вместо АГС17 на машины „Дозор“ и „Козак“»
   
   ГП КБ «АО» работает над созданием пехотного варианта КБА-117 Архівавана 26 чэрвеня 2015. // «Defense Express», 17 января 2014