Заходнія славяне

Заходнія славяне — група славянскіх народаў і плямёнаў, якая вылучаецца паводле геаграфічных і моўных прыкмет.

Карта дзяржаў, дзе тытульным народам з'яўляецца адзін са славянскіх (Заходнія славяне вылучаны светла-зялёным колерам)

Заходнія славяне ў IX-X стагоддзях

Біскуп Абсалон знішчае ідал бога Святавіта ў Арконе ў 1169 годзе.

У працэсе міграцыі і экспансіі славян (VI-VII стст.) гэтая насельніцтва здолела амаль уніфікаваць культуру і ў значнай ступені мову. Толькі каланізацыя уграмі Венгерскай нізіны ў пачатку IX ст. разарвала сувязь паміж славянамі, якія жылі на поўнач ад Карпатаў і Судэтаў з балканскімі і наддунайскімі славянамі. Гэта стала прычынай размежавання заходніх і паўднёвых славян. Размежаванне ўсходніх і заходніх славян пачалося ў X ст., Калі паўсталі дзве канкуруючыя паміж сабой дзяржавы — Кіеўская Русь і Польшча. Вельмі паглыбіла адчужэнне і тое, што ў краінах было хрысціянства розных абрадаў (каталіцтва і праваслаўе). Такім чынам ужо ў X ст. больш ці менш маналітная славянская супольнасць распалася на тры розных галіны.

Да заходніх славян адносяцца сучасныя народы:

• лужычане (сорбы)
• палякі
  • сілезцы
  • кашубы
• славакі
• чэхі

Агульная колькасць гэтых народаў — каля 80 млн.

Гістарычнымі плямёнамі і ваенна-племяннымі саюзамі заходніх славян з'яўляюцца:

• бодрычы (ваенна-племянны саюз)
• вагры
• гліняне
• драване
• люцічы (ваенна-племянны саюз)
• укране
• ратары
• руяне
• славінцы
• смалінцы
• лужычане лужыцкія сербы (ваенна-племянны саюз)
• мільчане

усе гэтыя плямёны адносіліся да так званых палабскіх славян ці палабаў. Акрамя гэтага:

• памаране, продкі цяперашніх кашубаў
• слянжане
• багемы

і іншыя.

Гл. таксама

• Заходнеславянскія мовы
• Венеды

Спасылкі

Лагатып Вікіцытатніка

У Вікікрыніцах ёсць тэксты па тэме
Geograf Bawarski