From Wikipedia, the free encyclopedia
Жорж Леапольд дэ Кюўе, барон (фр.: Jean Léopold Nicolas Frédéric Cuvier; 23 жніўня 1769—13 мая 1832) — французскі прыродазнавец, натураліст. Заснавальнік параўнальнай анатоміі і палеанталогіі. Быў членам Французскага геаграфічнага таварыства. Увёў падзел царства жывёл на чатыры тыпы.
Брат Фрыдэрыка Кюўе. Пад кіраўніцтвам Жоржа Кюўе навучаліся Жан Віктор Адуэн і Анры Мільн-Эдвардс.
Нарадзіўся 23 жніўня 1769 года ў горадзе Манбельяр, які належаў тады Вюртэмбергу, вучыўся тут у школе і павінен быў рыхтавацца да звання пастара (Кюўе належаў да пратэстанцкай сям’і), але варожасць да яго дырэктара гімназіі, у якой ён вучыўся, перашкодзіла гэтаму. Пазней Кюўе ўдалося паступіць у Вышэйшую школу Карла ў Штутгарце, дзе абраў факультэт камеральных навук, які даваў яму магчымасць азнаёміцца з прыродазнаўствам, схільнасць да якога ён выяўляў з дзяцінства.
У 1788 годзе стаў хатнім настаўнікам у графа д’Эрысі ў замку Фікуенвіль у Нармандыі, дзе, карыстаючыся блізкасцю мора, займаўся даследаваннямі марскіх жывёл. Пазнаёміўшыся з лекарам Тэсье, Кюўе па яго просьбе з вялікім поспехам прачытаў курс батанікі для лекараў шпіталя, якім загадваў Тэсье, і, дзякуючы сувязям апошняга з парыжскімі навукоўцамі, завязаў адносіны з найбольш аўтарытэтнымі, паехаў у Парыж, дзе ў 1795 годзе заняў месца прафесара ў Цэнтральнай школе Пантэона.
Быў прызначаны памочнікам Жан-Клода Мертру, выкладчыка параўнальнай анатоміі Саду раслін, у 1796 годзе быў прызначаны членам нацыянальнага інстытута.
У 1800 годзе заняў кафедру натуральнай гісторыі ў Калеж дэ Франс. У 1802 годзе, пасля смерці Мертру, заняў кафедру параўнальнай анатоміі Саду раслін.
У 1809—1811 гадах арганізаваў вучэбную частку ў абласцях, зноў далучаных да Французскай імперыі.
У 1822 годзе служыў у дзяржаўнай радзе, дзе яму быў даручаны нагляд над пратэстанцкімі багаслоўскімі факультэтамі.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
.svg){kind=small}
