Дніпроўскі дзяржаўны медыцынскі ўніверсітэт

Дніпроўскі дзяржаўны медыцынскі ўніверсітэт — украінская дзяржаўная вышэйшая навучальная ўстанова, якая знаходзіцца ў Дніпры і падпараткоўваецца Міністэрству аховы здароўя Украіны.

Дніпроўскі дзяржаўны медыцынскі ўніверсітэт
Дніпровський державний медичний університет
Арыгінальная назва	Дніпровський державний медичний університет
Міжнародная назва	Dnipro State Medical University
Заснаваны	1916
Тып	профільная ВНУ
Рэктар	Георгій Дзяк[d]
Студэнты	4 500
Дактары	96
Краіна	Украіна
Размяшчэнне	Дніпро
Юрыдычны адрас	вул. Вярнадскага 9, 49044 г. Дніпро, Украіна
Узнагароды
Сайт	dsma.dp.ua
Медыяфайлы на Вікісховішчы

Агульная характарыстыка

Адна з найстарэйшых вышэйшых навучальных устаноў Украіны медычнага профілю. Заснавана 15 верасня 1916 года на базе Кацярынаслаўскіх вышэйшых жаночых курсаў. Статус акадэміі - з 1920 года (вернуты пастановай Кабінета міністраў Украіны ад 20 красавіка 1994 года).

На 59 кафедрах працуюць 646 выкладчыкаў, з іх 98 дактароў навук і 359 кандыдатаў навук. Усяго ў акадэміі працуе больш за 1100 супрацоўнікаў.

42 клінічныя кафедры размешчаны на базе 28 бальніц і выкарыстоўваюць больш за 15 тыс. бальнічных ложкаў. На клінічных базах акадэміі арганізаваны 29 спецыялізаваных цэнтраў.

Акадэмія займае плошчу 85 гектараў. Мае 8 навучальных карпусоў агульнай плошчай 52 000 м², у якіх размешчана 608 навучальных аўдыторый, кабінетаў і лабараторый. У 7 інтэрнатах плошчай 46 000 м² пражываюць 2 900 студэнтаў і лекараў-курсантаў. Акадэмія мае ў сваім распараджэнні спартыўны комплекс, віварый, санаторый-прафілакторый, спартыўна-аздараўленчы лагер, навуковую бібліятэку, тэхнацэнтр і два музея.

Структура

• Першы медыцынскі факультэт
• Другі медыцынскі факультэт
• Стаматалагічны факультэт
• Першы міжнародны факультэт
• Другі міжнародны факультэт
• Факультэт паслядыпломнай адукацыі

Спасылкі

• Афіцыйны сайт установы
• На Вікісховішчы ёсць медыяфайлы па тэме Дніпроўскі дзяржаўны медыцынскі ўніверсітэт